Loikaw Peng Kah Doh Nak Ah Ralhrang Lei A Thi Mi An Tam Leng Ah Ai Hliam Mi An Tam

Kaya ramkulh, Loikaw peng Kantaya lam thennak ah ralhrang phu hna cu mizapi vengtu ralkap phu 3 fonh nih tuzing zingka 5:30 hrawng ah an kah hna caah ralhrang 15 an thi, tiah KNDF Phekhung B-03 battalion nih cathanh an chuah. Nihin January 6, zinglei ah Kayin ralkap KNDF B02 battalion, KNDF 03 battalion le nichuahlei PDF phuthum fonh nih Kantaya lam thennak hmun, ralhrang lamsialnak ah an kahdoh hna caah ralhrang 15 an thi, hliamtuar an tam tiah, theih a si.

Cu kahdohnak ah cun ralhrang phu lei an thihnak kong fehternak he cathanh chuah mi a si, tiah KNDF B-O3 battalion in chimphuannak nawlngei tu nih Than Lwin Khet ah a chim.“Tuzing ah MoeBe (မိုးဗြဲ)le PheKone (ဖယ်ခုံ)lei in a rak tum mi ralhrang phu hna cu KNDF, PDF nih an kah hna. Kahdohnak hi suimilam 1 hrawng a rau. Ralhrang lei in 15 an thi tiah kan fianh ter khawh.

Mizaw phorhnak motor 4 le ralhrang motor in an ruak cu an thiar hna,” tiah KNDF ralkap pakhat nih a chim. “Kahdohnak a faak; KNDF, PDF lei cun aa hliam mi le a thi mi kan um lo. Meithal tu cu kan la kho lo. A dang thilri cheukhat cu kan chak khawh ,”tiah KNDF ralkap pakhat nih Khit Thit Media ah a chimchap.

 

Crd: The Chin Post

Author: admin

Leave a Reply

Your email address will not be published.