Karenni Kah Doh Nak Ah Ralhrang Lei Thi Mi An Tam Ca Ah Ralhrang Thazang An Chap Than Na In KNDF Nih An Tuah To Hna Dan Cu Lung Hmui Kho Tuk

Karenni ramkulh, Demoso(ဒီးမောဆို) le LoiKaw(လွိုင်ကော်) ah ralhrang nih ralkap thazaang tampi le raldohnak tank tiang hmang in KPDF an kah hna. Kahdohnak ah ralhrang lei in minung 8 hrawng an thi, tiah Karenni People Defense Force KPDF sin in theih a si.

Nihin January 6, zinglei suimilam 4: 45 ah ralhrang nih Daw Po Si khua ah hriamngan in mizapi ralkap an kah hmasa hna i, kahdohnak cu zinglei 8: 30 hrawng in an thawk. Mizapi vengtu ralkap phu hna he hmaitonh in kahdohnak a chuak, tiah Karenni People Defense Force – KPDF thawng an thanh.

Kahdohnak ah mizapi ralkap nih ralhrang lei an hliamh tuk hna caah LoiKaw(လွိုင်ကော်) in tank pathum le ralkap thazaang motor pahnih bawmtu an thlah hna i, zanlei suimilam 4:00 tiang kahdohnak pehzulh in a um; mipi inn pariat ralhrang nih an khangh. Hi kahdohnak chung ah hin ralhrang lei in minung pariat hrawng an thi, tampi hliam an tuar, tiah theih a si. Atu ah cun ralhrang hna nih Daw Po Sii (ဒေါပိုးစီ)pawngkam hrawng ah ralkap tampi an chiah chap i hmual ngei deuh in cawlcangh an i tim tiah Khit Thit Media nih a tial.

Crd: The Chin Post

Author: admin

Leave a Reply

Your email address will not be published. Required fields are marked *