A Thli Thup In Ralhrang Phaisa Lente Celh Nak A Hmang Mi Pawl Cu Magwe PDF Nih An Tleih Hna

Magwe ramthen, Pakokku khua ah ralhrang hna sin ah phaisa pek hnu ah a thlithup in phaisa lentecelhnak a tuahtu hna cu PDF nih an tlaih hna, tiah theih a si.

“Young Force UG le EPDF i bawm in January 5, zanlei sang ah kan luhhnawh hna. Hi lentecelhnak hmun hi kan hlathlainak hna caan a sau ngai cang, an tuahnak hmun hi Pakokku khua hrialnak lam i dum pakhat ah tuah mi a si. PDF Phu hnih kan i bawm i kan tlaih khawh hna, phaisa zong sing 2,600,000 mmk kan laakpiak hna, a herh ning in dohthlennak ca ah kan hman lai,” tiah EPDF chimphuannak nawlngeitu nih a chim.

Hi bantuk phungning lo tangka lentecelhnak tuah mi tlaih hi Pakokku ah cun a voikhatnak a si. EPDF cu Pakokku khua chung ah a thli in ram ca ah riantuan mi an si.

Crd: The Chin Post

Author: admin

Leave a Reply

Your email address will not be published.