SAC Nih An Kuttang Minung Pawl An Thanh Han Nak A Ruang Cu A Tang Lei Ban Tuk In Fianter Nak An Tuah

KNU brigade 5 Mutraw (မူတြော်) pengkomh chung ah a lut mi, ralhrang phu kuttang um Kayin ramri hngak BGF phu chungtel pahnih cu December 30 le January 1 ah kahthah an si, tiah KNU Mutraw (မူတြော်) thawngzamhnak nih a langhter. KNU brigade 5 in security rianngei pakhat nih, “Cu thil a cang mi cu Kayin miphun mah le mah kar ah rallam serh a si, an kuttang ummi BGF phu hna cu SAC nih nawlpekmi an el caah atu bantuk in thah an ton hi a si kho,” tiah a chim.

“Ralhrang phu nih a bik in an i tinh mi cu Kayin miphun hna anmah le anmah kar huatnak chuak kho ding in rallam an serh piak hna, buaibainak chuak ding in lam an sial.“BGF phu zong nih Kayin miphun an si ve caah an mah miphun simi Kayin miphun hna cung ah thah nawnnak tuah cu an duh ve lo, BGF in hruaitu hna ralhrang lei tang cu an um, nain an kuttang riantuan chungtel tam deuh nihcun Kayin ralkap KNLA sin ah fonh an duh.

Asinain cunglei hruaitu ralhrang phu nih nawlpek mi zulhlo a si ahcun an fimhlawm ko hna lai,” tiah brigade 5 in security lei riansang tlaitu bu-gyi Saw Moe zat nih a chim. KNU brigade 5 Mutraw (မူတြော်) pengkomh Kangindung(ကညင်ဒုံ) hlei donh pawng ah ralhrang kuttang um BGF minung 1 cu thah a si hnu ah Phapun-Kamamawng (ကမမောင်း) lamcung hmunkip ah, hriamngan he an duhnak kip an kah. Cun January 1, chun suimilam 12:00 ah Phapun-Kamamawng(ကမမောင်း) ah BGF phu chungtel pakhat cu ralhrang kut in thah a tong than, tiah KNU Mutraw(မူတြော်) thawngzamhnak nih a langhter.

Crd: The Chin Post

Author: admin

Leave a Reply

Your email address will not be published.