Ralhrang Nih Uk Nak Lak Hnu Thla Hleikhat Chung Ah Ralhrang Nih Mipi An Thlei Mi Hna Le NLD Party Chung Tel Pawl An Tleih Hna Nak Cu Tihin An Chim Cang

February 1, 2021 in ralhrang nih uknak an laak hnu in President Win Myint, Daw Aung San Suu Kyi leng ah hmunkip NLD Party chungtel minung 649 tlaih an tong cang, cheukhat thlah than an si. Sinain, minung 489 cu Ramchung hmunkip thonginn ah hren an si rih, tiah NLD Central Committee nih January 1, 2022 ah cathanh an chuah.

Rampi hruaitu hna le cozah chungtel cheukhat hna cu uknak laak hnu in an tlaih hna, Hluttaw Palai cheukhat hna le Party chungtel cheukhat hna cu a himnak hmun ah an zaam, tiah NLD Central Committee chungtel U Kyaw Thuai nih RFA ah a chim.

Ralhrang lei chimphuannak nawlngeitu Buchoh Zaw Min Thun nih cun, Duhlonak langhternak ah aa tel mi le NUG CRPH he a pehtlai mi hna hi biatak tein kan tlaih hna tiah a chim. NLD Party lawng kan tlaih hna a si lo, tlaih nakding a ruang zong a um lo. Kan tlaih mi hna cu a bik in duhlonak langhternak le, CRPH le NUG hna pehtlaihnak an ngeih ruangah kan tlaih mi hna a si, tiah a chim chap.

Crd: The Chin Post

Author: admin

Leave a Reply

Your email address will not be published.