Ralhrang Kar Biathli Cu Nihin Ah An Phuan Diam Ai

Nihnih chung pehtlai in bomb puahhnawh in doh an ton caah Pako nitlak lei Minhla peng Sein Kant Lanth(စိန်ကန့်လန့်) khua um tat-mah 66 kuttang um mi, khah-lah-yiah 1 tat-yin-hmu telh in ralhrang minung 19 an thi, tiah theih a si. A luancia December 30 le 31 ah Kaya ramkulh mizapi vengtu phu nih bomb puahhnawh in doh an rak ton lio ah ralhrang phu lei zong in a thi mi an um ve, tiah theih a si.

Khah-lah-yiah 1 ralhrang phu sinin min langhter duh lo mi pakhat nih cun, “Hi thawngpang hi leng chuahter lo ding ah biacahnak a um, nain mipi hna nih theih a herh ka ti caah ka chim ko lai, December 30 ah minung 10 an thi tiah thawng an kan thanh.“Cun, December 31 ah tat-yin-hmu Kyaw Zay Yiah telh in minung 9 an thi than, tiah January 1 ah thawng an kan thanh than. Nihnih chungah minung 19 an thi, sii lei ralbawi pakhat cu a thi lo nain a ke hliamhma a fah caah tan a hau kho men tiah kan theih,” tiah fehternak bia chim.

Ralhrang chungkhar pakhat nih cun, “Nikhatnak ah a thi mi minung 10 kong ah zeihmanh thawng an kan thanh mi a um lo, cu thawng cu an thuh, a thaizing ah tat-yin-hmu zong a thih caah theihter lo awk tha lo thawng a si caah January 1 zaan ah cu thawng cu an kan chimh than. Tat(တပ်) chung um mi kan zapi kan ngaih a chia tuk, lung a kuai mi chungkhar zong kan tam,” tiah DVB ah a chim. Mit hmutu khuami pakhat nih cun, “Ralkap hlun si mi hna cu gate hngak ding in an auh than hna, nikhat ah gate hngah man 8000, 10000 an pek hna. Anmah ralhrang lei zong minung an i tingzo ti lo,” tiah a chim.

Crd: The Chin Post

Author: admin

Leave a Reply

Your email address will not be published.