Matupi Le Ralhrang Kap Hnih Kar Kah Doh Nak Cu A Lin Sa Chin Leng Mang Cang

Tanintharyi ramthen, PaLaw(ပုလော) peng, Ka De(ကဒဲ) khua ah Tuzing January 4, zing suimilam 6:00 hrawng ah PaLaw peng mizapi vengtu ralkap le ralhrang kuttang um Phyo Saw Htee hna karlak ah kahdohnak a chuak i, Phyo Saw Htee in minung pakhat a thi; minung pakhat hliam a tuar. Phyo Saw Htee hna meithal pakhat le kuan 200 hrawng le, bomb pakhat PDF nih an lak piak, tiah PDF – PaLaw nih thawng an thanh. Hi kadohnak ah hin PaLaw(ပုလော) peng mizapi vengtu PDF lei in ralkap pakhat nunnak a liam i, hliamtuar pakhat an um ve, tiah theih a si.

PDF lei in hliam a tuar mi cu a hliamhma ah thinphan tuk ding um lo, PDF lei in an chim i, Kahdohnak a dih in ralhrang kuttang um Pyo Saw Htee hna nih Ka De(ကဒဲ) khua um mizapi inn le lo cu an hrawh hna, tiah PDF PaLaw nih cathanh a chuah. Sagaing ramthen, Ye Oo(ရေဦး) peng ah nihin zinglei suimilam 7:00 ah Ye Oo peng (ထွေအုပ်) zung cu Ye Oo peng – PDF  nih an kah, tiah theih a si.

Cubantuk in Magwe(မကွေး) ramthen, Thayat(သရက်) pengkomh,  Kaan Mah(ကံမ) peng chung ah ralhrang hna an rian hma a kalter ngai mi (အထွေထွေအုပ်ချုပ်ရေးဦးစီးဌာန) zung tel in hmun 7 ah Kaa Mah peng mizapi vengtu ralkap phu hna nih zingkate ah an kah hna, Khit Thet Media nih a tial.

Author: admin

Leave a Reply

Your email address will not be published. Required fields are marked *