Thailand Ram Ri Ralzam Pawl Cu An Mah Lung Tho Ten An Khua Lei Ah An Kir Than

Kayin ramkulh Myawady chaklei ah a chuak mi KNLA le ralhrang phu kar kahdohnak ruangah Thailand ramlei a kalmi ralzaam hna cu nihnih chung ah an umnak hmun a kir than mi hi 200 hrawng an si, tiah bawmchantu phu hna sin in theih a si. Raltuknak ruangah Thailand ram ah ralzaam dirhmun in a ummi hna cu Thai ralkap le rianngeitu hna nih Mesauth (မဲဆောက်) Mahawan Mekuhkin(မဲ့ကုကင်း) khua ah an chiah hna.

Myawady khua chaklei Laykaegaw (လေးကေ့ကော်) kahdohnak ruangah Metrawtalay (မဲ့ထော်သလေး), Minlatpan(မင်းလက်ပံ), Ingyinmyaing(အင်ကြင်းမြိုင်), Pahihkalaw(ပဟိကလော့်), Yatehkue(ရသေ့ဂူ), Phaloegyi(ဖလူးကြီး), Phaloelay(ဖလူးလေး) khua hna in khuami minung 14,000 hrawng cu Myanmar ram Tawngyin tiva kam lei le Thailand ramlei ah ralzaam dirhmun in an um hna.January 2 ah ralzaam 100 hrawng le January 3 ah ralzaam minung 100 luan cu anmah lungtho tein an umnak lei ah an kir than i, Mesauth (မဲဆောက်) khua lei ah cun ralzaam minung 3000 luan an um rih leng ah Tawngyin tiva kam lei zongah an umrih, tiah ralzaam bawmhnak a petu pakhat nih a chim.

January 3 ah ralhrang phu nih hmunhma zohfelnak an tuah lio ah bomb an i lamh caah Laykaegaw (လေးကေ့ကော်) khua pawng hrawng cu ralhrang nih hriamngan in an kah caah a rawkral mi a um, tiah KNLA phu chungtel pakhat nih a chim. KNLA, PDF phufonh le ralhrang phu kar kahdohnak ah ralhrang phu nih thazaang tamtuk hmang in an doh hna caah Myawady chaklei khua 10 le Kawgayait (ကော့ကရိတ်) nichuah chaklei khua 6 in khuami hna cu ralzaam dirhmun an phan hna, tiah theih a si.

Crd: The Chin Post

 

Author: admin

Leave a Reply

Your email address will not be published. Required fields are marked *