Sagaing Ramthen Ah Ralhrang Tha Zaang Sawm Nga Leng An Chap Pin Ah Kap Hnih I Doh Nak Um Lo In Khua Chung Cu Helicopter In Mipi An Kah Hna

Sagaing ramthen Walat (ဝက်လက်) peng Ngawngpingyi (ညောင်ပင်ကြီး) khua ah kahdohnak um lo in ralhrang lei nih helocopter he khuachung mipi an kah hna leng ah ralhrang minung tam ngai an thlah hna. Khua chung phungki sianginn cu an kulh dih fawn, tiah khua chung um mi hna nih an chim.

January 3 chunhnu suimilam 2 ah Sagaing ramthen Walat(ဝက်လက်) peng Ngawngpingyi (ညောင်ပင်ကြီး) khua cu helicopter pali in an kah hna caah khuachung mi hna cu an tlizaam, ralhrang nih helicopter he mizapi an kah hna hnu ah ralhrang zeimawzat an thlah hna i, khuachung phung-ki sianginn cu an kulh tiah khuachung um mi hna sin in theih a si.

Ralhrang phu hna i MI-35 vanlawng pakhat nih vanlei in suimilam 2 chung hrawng a kah hna hnu ah a taang mi helicopter hna in ralhrang phu minung 50 hrawng an thlah hna, cu hnu ah khua chung ah lut in hriamtlai phu ralhrang hna nih an kah rih hna, tiah theih a si. “Kahdohnak zong um lo in an kan kah, atu hi ralhrang phu hna nih khuachung phungki sianginn cu an kulh caah khuachung um mi hna zong an zaam dih, SAC phu cu an kir rih lo,” tiah ralhrang kahnak in a tlizaam mi pakhat nih a chim, tiah Khit Thet Media nih a tial.

 

Crd: The Chin Post

Author: admin

Leave a Reply

Your email address will not be published.