NUG Nih Hriam Nam Pek Zong Pek Lo Zong Ah A Um Mi Poh In Galon Mipi Ralkap Nih Ralhrng An Thanh Hna Dan Cu Lung A Hmui Kho Tuk

Galon ralkap Depeyin PDF nih kutser meithal le bomb in ralhrang an kah hna caah ralhrang 5 an thi i, mimung 28 hliam an tuar, tiah nihin January 3 ah Galon ralkap nih cathanh an chuah. Nizan january 2 ah khan Galon ralkap phu nih bomb pakhat, cun, Latpan hlei in bomb dang pakhat in an kah hna i ralhrang 5 an thi; 20 hliam an tuar. “Ralhrang a thi mi ruak cu sianginn pawng ah an hawile nih mei in an khangh lio ah, PDF nih a thlithup in an kulh hna i, kutser meithal in an kah than hna caah minung 8 an khen chap,” tiah Galon tuanvo ngei tu nih a chim.

Depeyin peng chung ah ralhrang hna nih mizapi an tlaih hna i an thah hna, an inn an khangh piak hna, an thilri an hrawhpiak hna, an thilri hramhram in an chuh hna, cu bantuk cu atu le tu an tuah caah a hmunhma um PDF hna nih atu le tu an kah ve hna. “Hriamnam tha kan ngeih lo caah a thlithup in kan kah hna,” tiah Galon ralkap tuanvo ngeitu pakhat nih a chim.

Galon ralkap phu cu NUG he pehtlaihnak ngei an si cang i NUG sin in bawmhnak ting 20 zong an hmu cang. Hriamnam cawknak caah bawmh an halnak thla 6 a rau cang nain hriamnam lei bawmhnak cu an hmu rih lo, tiah theih a si. ” Vuanci hna ni hriamnam an kan pek zong ah, pek lo zong ah a um mi poh in ka doh ko lai, a dih hlan lo kan doh lai kan tinak thla 6 leng si cang,” tiah Galon ralkap nih NUG sin hriamnam a halnak kong cu a chim. Galon ralkap cu hriamnam an har nain bomb hi biapi deuh ah hmang in ralhrang cu a si khawhnak poh in an doh hna, tiah theih a si.

Author: admin

Leave a Reply

Your email address will not be published.