NUG Mipi Kar Lak Ah A Thil Ti Khawh Nak Le A Cawl Cangh Nak A Lang Chin Leng Mang Cang

Laykaegaw (လေးကေ့ကော်) hmunhma kahdohnak ruangah ralzaam dirhmun in a um mi mizapi hna cu NUG cozah nih sing 550 leng man ngei eiding, riahcaw le an herhmi thilri in an bawmh hna, tiah theih a si. Myanmar-Thailand ramri Tawngyin tiva kamlei le cuka hmun pawng hrawng ah a ummi ralzaam hna nih emergency in an herhmi eiding, din ti, pumpak hmanmi thilri hna le, ralzaam in khua an sak chung nakah an herhmi cungcih, mu-ka(မိုးကာ) hna cu NUG cozah a pek hna.

Bawmhnak hi NUG cozah chung, kokek hartong tawlreltu phu nih an pek mi a si.Department tlaitu vuanci nih, a ran deuhnak in le bawmhnak zong tam deuh le tlamtling deuh in pekkhawh a si nakhnga, pehtlaihnak a tuahtu phu hna he felfai tein riantuan a si ko, tiah an chim.

“NUG cozah nih bawmhnak an kan pekmi cung ah kan i lawm tuk! Cun, NUG Cozah bawmhnak thawng in Thailand ram chung ralzaam zapi hna zong kan hna a ngam tuk hringhran,” tiah Thailand ram Tawngyin tiva kam um mi ralzaam pakhat nih a chim.

Crd: The Chin Post

 

Author: admin

Leave a Reply

Your email address will not be published.