Mipi Sawmthum Le Panga Uh Khangh Nak Kong He Peh Tlai In NUG Nih ICC Ah Tette He Tlamtling Ten A Chuah Pi Cang

Karenni ramkulh, Moso khua pawng i ralhrang nih mizapi 35 an nun buin mei an khanghmi kong cu tette tlamtling he International Criminal Court (ICC) ah an chuahpi lai tiah theih a si.NUG nuhrin covo vuanci U Aung Myo Min nih “NUG nih hi bantuk lainawnnak a tuahtu hna hi dantat an si khawh nakhnga ramkip biaceihzung hna ah kan chuahpi lai rian kan ṭuan lai. Hi kong hi ICC nih an zoh sawhsawh lai lo. A tuahtu hna cu dantatnak kan tuah hrimhrim lai” tiah a chim.

Mizapi 35 meikhangh in a thattu hna cu ralhrang khah-mah-yiah 531 le brigade 66 tang a ummi battalion hna an si tiah Karenni State Police (KSP) in ṭuanvongeitu pakhat Ko Bo Bo nih a chim.Ralhrang lei nih cun meikhangh in an thahmi hna hi PDF an si tiah silhnalh bia an chim nain a thimi hna chungkhar nih PDF an si lo, ralhrang nih an chimmi cu a dik lomi a si tiah fianternak an tuah ve.

Meikhangh a tongmi hna hi KSP nih mei nih a kangh tuk lomi ruak 4 le mei nih a kangh i pumcheubang lawng a taangmi ruak 31 an lak i char awk tlak ti lo tiang in mei nih a kangh dihmi zong an um tiah an chim. Ralhrang nih mei in an khangh hna hlanah hin fak ngai in an vuak, an hrem hna i an kut cu an hnulei ah hri in an ṭem hna. Cu hnuah an nun buin mei in an khangh hna tiah KSP nih an thanh. Ref: Khet Thit Media

Crd: The Chin Post

 

Author: admin

Leave a Reply

Your email address will not be published. Required fields are marked *