Mipi Ralkap Pahnih Cu Ralhrang Phu Bomb Puahhnawh Ding An I Tim Lio Ah An Mah A Puah Hnawh Hna Caah An Nun Nak A Liam

Depeyin (ဒီပဲယင်း) peng chung ah rallam sial in cawlcanghnak a tuah tu ralhrang phu hna cu bomb puahhnawh ding i timhtuahnak an ngeih lio ah mizapi vengtu ralkap phu chung in minung 2 nunnak a liam, tiah nihin January 3 ah Ganung(ဂဠုန်) ralkap phu nih an ngaihchiatnak langhter in cathanh an chuah.

A luancia December 31 ni ah Ganung (ဂဠုန်)ralkap in Myo Lwin Oo(kum-22) le Tan Htat Awng(kum-19) cu ralhrang phu dohnak ding in bomb an hmanh lio ah an nunnak a liam, tiah theih a si.Mizapi vengtu ralkap phu hna nih an thazaang, le nunnak an pekmi cu philh lo in, ralhrang uknak cu an hram chuahkhawh tiang in le a donghtiang kan doh lai, tiah biakam an tuahnak cu Ganung (ဂဠုန်) rakap nih cathanh an chuah.

Ganung (ဂဠုန်) ralkap in minung 2 cu December 31 ah an nunnak aliam cun, cuhlan December 12 ah pyusawthi phu tuahsernak ruangah Ganung (ဂဠုန်) ralkap in tat-phuait-hmu(တပ်ဖွဲ့မှူး) Mu Pian le Mawng Ping, Aa Man le Mawng Pua hna cu an nunnak a liam, tiah theih a si.

Crd: The Chin Post

 

Author: admin

Leave a Reply

Your email address will not be published.