KNDF Le Ralhrang Kah Doh Nak Ah Mipi Thi Mi Le Mipi Ralkap A Thi Mi An Tam Cang

December 31, 2021 Karenni ramkulh, Demosu peng chung kahdohnak ah hliam a tuar i, sii in tlopbul a si lio lio ah January 2 zinglei ah a nunnak a liam mi KNDF ralkap Henry ruak thlahnak cu an tuah cang.Henry ruak hi KNDF ralkap phu nih an vui. Ralkap Henry cu ralhrang duhlonak le daihnak le democracy ngah khawhnak ca ah, lamzawhnak zong ah pumpek in aa tel mi siangngakchia pakhat a si, tiah theih a si.

December 31 thawk in nihin January 3 tiang ah DeMoSu peng, Ngwe Tuang Se pawng ah ralhrang le Karenni aa fonh mi ralkap phu hna kar ah kahdohnak a ni peh in a um i nizan kahdohnak zong ah LwiKaw PDF ralkap 1 le Karenni ralkap 1 an nunnak a liam.Ralhrang hna nih hramhram nawlngeihnk an laak thawk in kahdohnak 130 leng a um cang i Karenni phu fonh ralkap phu lei in 44 an thi; ralhrang 500 leng an thi ve cang, tiah Karenni mizapi thazaangetu PKPF cazin ning in theih a si.

Relchap:Ralhrang phu nih nawlngeihnak an laak hnu May 19 in December 31 tiang ah a cangmi Kaya ramkulh chung kahdohnak mizapi lei in minung 146 nunnak a liam cang, tiah KNDF nih cathanh an chuah. Thla 8 chungah ralhrang phu le KNDF telh in mizapi vengtu phufonh kar ah kahdohnak voi 81 tiang a chuak. Cu kahdohnak ah cun ralhrang lei in minung 248 an thi, minung 149 nih hliamhma an tuar tiah theih a si. KNDF lei in hliamhma tuar mi minung 24 tiang an um i minung 13 an nunnak a liam ve, tiah an cathanh chuahmi ah cun an langhter. Atu ah KNDF in battalion 18 tiang a um i, cu lak i battalion 16 cu tlamtling tein thuamh khawh mi a si, hriamnam zong tha tein tawlrel khawh a si cang, tiah theih a si.

Crd: The Chin Post

Author: admin

Leave a Reply

Your email address will not be published.