Katta Khua Ah Ralhrang Hriam Phur Tilawng Pahnih Hrawh A Si Leng Ah Minung Sawm Thum Leng An Thi

Sagaing ramthen Kata(ကသာ) pengkomh chung Htichait (ထီးချိုင့်) le Kata(ကသာ) khua karlak ah ralhrang phu tilawng 2 cu khua chung mizapi vengtu phufonh nih an doh hna caah ralhrang 30 nak tlawmlo an thi, tiah khua chung mi hna sin in theih a si.

Nihin January 3, zinglei ah ralhrang phu hna telh in riahcaw le hriamthil phormi ralhrang tilawng 2 cu Htichait (ထီးချိုင့်) mizapi vengtu phufonh nih hmunthum i then in an doh hna. Ralhrang phu lei in minung 30 nak tlawmlo an thi, tiah Tigyaing Revolution-TR nih a langhter.

Cu kahdohnak ah cun mizapi vengtu ralkap phu nih RPG in an kah hna caah tilawng pakhat cu a rawk, tiah theih a si. Cu hnu ah ralhrang tilawng 2 a kaimi cu chunhnu suimilam 2:50 hrawng ah Kata-PDF nih RPG in an kah than hna caah ralhrang phu lei minung 2 an thi chap, tiah khuachung mi pakhat nih a chim.

Crd: The Chin Post

 

Author: admin

Leave a Reply

Your email address will not be published. Required fields are marked *