Kanpalet Khua Mi Inn Le Lo A Zam Tak Tu Mipi Pawl Ralhrang Nih An Auh Than Hna

Chin ramkulh Kanpalat khuachung minung umlonak inn hna cu zarh hnih chung ah lut than dih ding in ralhrang nih inn le lo a zamtaak mi mizapi an theihter hna. Caan khiah mi chung ah an umnak inn ah kir lo in, innka hrenhmi an hmuh ahcun cu bantuk minung umlonak inn pohpoh cu kan phihkhar lai, tiah ralhrang phu nih khuaqchung mi an theihter hna nakkong, khuachung mi sin in theih a si.

 

“Kanpalat khuachung minung umnak inn hna cu inn ngeitu an umlo ahcun ram ta a si cang caah hrenhpiak an si lai tiah ralhrang phu nih an ti. Zarh hnih chung caan pek nan si lai, a ra lai mi ni 14 chung ah kanmah umnak inn cio ah kir than ding in an kan ti fawn,” tiah Kanpalat khua mi pakhat nih a chim.

 

Kanpalat khuachung ah no.1 le no.2 tiin sang hnih a um. Ralhrang phu le mizapi vengtu CDF-Mindat kar kahdohnak a chuah ah minung umnak inn hna cu hriamngan nih a tlak, Biakinn hrawhpiak zong an ton leng ah hriamngan tlaknak in a thimi zong an um caah mi tamdeuh nih cun an umnak inn cu kaltak in an zaamtaknak hi a si. Kanpalat khuachung cu inn 1500 le milu 5000 hrawng umnak khua a si i, a tu ah zapi ngawt nih an umnak khua cu kaltak in ralzaam dirhmun an phan, tiah theih a si.

Crd: The Chin Post

 

Author: admin

Leave a Reply

Your email address will not be published.