Nihin NUG Thawng Pang Thar A Chuah Mi Update

Hramhram nawlngeihnak latu Min Aung Hlaing telh in ralhrangbu hotu dang hna le mizapi thahnawnnak ah ṭuanvo ngeitu hna cu NUG nih Australia biaceihzung ah taza a cuai hna lai tiah theih a si.NUG cozah nuhrin covo vuanci U Aung Myo Min nih “Argentina zongah Universal Jurisdiction zulhphung bantukin taza an cuai hna bantuk kha a si ko. Atu i kan i timhmi cu mithat lainawng hna cu zeibantuk ram paoh nih dantat khawhmi a si. A lam a um ko” tiah a chim.

Feb 1, 2021 i nawlngeihnak an lak hnuin ralhrangbu nih mizapi cungah hremnak, tlaihkhihnak, hrocernak, thahnawnnak le khua/inn khanghnak tampi an tuah cang. Hi bantukin sualnak le ṭhatlonak kongah ṭuanlo lak dingin ralhrangbu hotu hna cu NUG nih Australia biaceihzung ah tazacuai a timh hna hi a si. NUG cozah nuhrin covo vuancizung nih ralhrang tuahsernak vialte cu ṭha tein cazin kan lak i kan i chinchiah ko. Cu lawng si loin ralhrang tuahsernak vialte hna cu NUG cozah nuhrin covo vuancizung nih UNHRC, UN General Assembly le UN Security Council ah ripawt (report) kan pek peng tiah Dec 30 ah online in tuahmi The Power of Revolution timi biaruahnak ah U Aung Myo Min nih a chim. Ralhrang nih Myanmar ramchung ah nuhrin covo an buarmi vialte hna hi hmual a ngei lomi biakhiahnak le cathanh sawhsawh si loin ralhrangbu hna cu hmual ngei tein diplomatic le hriamnam lei dantat phihkharnak tuah ding, ralhrang bawi rual hna cu phung le lam ning tein dantatnak tuah dingin NUG nih UN ah an chimrel peng.

Ralhrangbu hotu hna nih ramleng biaceihzung hna i tazacuai an simi cu an rak ṭih ziar a si lai. Min Aung Hlaing ih ICC le Argentina biaceihzung in cakuat a ra mi paoh cohlan lo dingin a thli tein nawl a chuah kha!
Kum 2017, Rakhine ramkulh i Rohingyia miphun hna cungah ralhrang nih an tuahmi thahnawnnak kongah Britain ram ah a ummi Rohingyia hruaitu hna nih cun Argentina biaceihzung ah ralhrangbu hotu hna cu taza an cuai hna i biaceihzung nih hlathlainak zong an thok cang. Cu pinah Nertherland ram ah a ummi International Criminal Court (ICC) ah ralhrangbu hotu hna cu sihni thiamsang hna nih tazacuai dingin an i tim cuahmah lio tiah theih a si fawn. Ref: Public Voice Television (PVT)

Crd:The Chin Post

Author: admin

Leave a Reply

Your email address will not be published.