Kaya Ram Kah Doh Nak Ah Ralhrang Sawm Thum Hrawng An Thi Nak A Ruang

Kaya ramkulh, Demoso peng i Dec 31 kahdohnak ah ralhrang 30 hrawng an thi tiah Karenni National Defense Force (KNDF) nih cathanh an chuah. Dec 31 i Demoso kahdohnak ahhin Karenni Army (KA), Karenni National Defense Force (KNDF), Loikaw PDF le Karenni GZ hna cu i fonh in Demoso myo-mah palek sakhan le Ngwe Taung tidil pawng i Pyi Aung Yahtana datsi dawr ah hmunhma a khuarmi ralhrang cu an kahmi hna a si.

Ralhrang nih hriamngan le vanlawng tiangin an kah hna caah Karenni ralkap 3 hliam an tuar ve i inn a rawkmi zong an um len tiah theih a si.Demoso PDF thawngthanhnak lei ṭuanvongeitu pakhat nih “Nizan cu vanlawng pahnih an si. Kanmah lei pathum hliam an tuar i pakhat cu thinphang dirhmun a si. Ralhrang lei hi hliamtuar le a thimi an tam ko lai, fiang tein kan chim kho rih lo. Inn a rawkmi zong an um hna. Kyaukse tidil pawngah zinglei suimilam pakua/pahra hrawng in kahdohnak aa thawk i zanlei suimilam panga tiang hrawng kan rau” tiah a chim.

Cu lawng si lon Dec 31 ah khan Demoso peng Hthipwintkan, Faruso peng Hthitawtani khua le Lawdawtanaw pawng zongah Karenni Army le KNDF nih ralhrang an kah hna. Cu kahdohnak cu suimilam pathum chung hrawng a rau i ralhrang 3 an thi tiah KNDF nih an thanh. Ref: The Irrawaddy

Crd:The Chin Post

Author: admin

Leave a Reply

Your email address will not be published.