Raltei Aduhmi Nih Derthawmnak le Thazang dernak I Remh Hmasa Aherh.

MAH le Rallokap Sualnak (Cases) cu ting 4 tiang kan khawmsuat khawh ko nain, mah derthawmnak pelte hmanh a theihhngalh lomi kansi sual ahcun, Teitu kansi bal lailo. Thlapa (11) tiang in MAH le Rallokap kan thluk khawhlo mi hi, aruang tampi aum ko lai nain, a ruang bik bik cu; Thazang derthawmnak le kan chambaunak remh kan tlawlh sual caah asiko lo maw? Awngkua le a pemh mi zong thit in, kan belh fawn lo. Mah le Cangai khur cio ah kan i za i, aw khat in/ thazang khat in/ voi voi khat in/ kan namh khawh hna lo caah Teitu kansi khawh tilo. Kan derthawmnak le Chambaunak i remh awk hi MAH minung asilomi, Mipi vialte kan rian nganbik asi, Ral tei kan / nan duh tak tak ko ahcun? Pumpak, Buu chung, Hriamtlai, tbk in remh awk a tampi nain, NUG le Paucan Dothlennak ah, Hruaitu hna nih, i remh awk asimi derthawmnak tampi lak ah, tlawmte lawng langh ter asi lai.CDM le Mipi dothlennak (Zungkai lo le Sandah piahnak) nih, zarh (2) ah, MAH thluk ding ti asi. Thla (2) ah thla 3 ah, hi hnu thla tlawmpal ah, tiah profet thluah mah asi. CDMers le mipi cu zeizong vialte kaltak in, sifak / retheih / inntuarnak vialte le thihnak thimh in NUG kan in zulh hna. Hi hnu thla tlawmpal ah, rilcat in a thih ding hi, Nuai 250 kan um tiah, UN / WFP / UNDP nih an ti cang. Dalan kong ah CDF nih Laiphung ning tein, nawl uh tiah, a fial tawn tu, Chin Mifim rual / Mirum rual le Salai Lungthlitum nih, Laiphung (Chin Acts) ning tein, NUG nih mipi le CDMers, kan nawl ve hna seh tiah, nan fial kho hna hnga maw? Mipi nuai 540 cu nunna buin thah kan si cang hi. Dalan pakhat thah a biapi tlukin Mipi nuai 540 thih hi abiapi ve.

GZ le Chin Seino nih hriam an tlaih hlan ah Federal Army derh asi lai, EAOs fonh in Rallokap namh asi lai, Drone in MAH le Rallokap kah ansi lai, R2P ara zau lai, Arau hlan ah MAH le Ralbawizik hna tlaih asi lai, cu caah caan tlawmpal ah Ralhrang Rallokap thlak in, mipi cozah a kai lai, tiah biakam kansi. Cucaah mino tampi nih, hriam an tlaih nak, a ruang hi asibik ko. Federal Ralkapbu cu, hriamtling bawmh, nan si lai ti asi kha. Hihi dakaw, adik lomi ruahchannak “False Hope” “False Promise” cu asi fam cu. “False hope in mino ruahchannak pek hlah uh tiah” Salai Lunthlitum nih na ti ding mi cu “Chin Kanpa le ansi lo” “NUG le Dr.Sa Sa tu an si”. Salai mi naa palh hi mu!Bochuk Aung San nih BIA a tlunpi bantukin Dr. Sa Sa nih Federal Army tlunzoh ah kan phawrh hna lai ti asi. Salai Bawi Lian Mang nih Federal Army kan derh diam cang ti asi ve hoi. Credit an i cuh tuk palia. Federal Army cu um sehlaw, tu hrawng hi, kan ram aathlen diam cang. False Hope asit bak, ti cawh lo bak asi hi Salai? NUG, Dr. Sa Sa, Salai Bawi Lian Mang nih, CDF kan fale, nan nawl hna a herh, Laiphung ning tein. A chan cu; a ralchia i, raltuk lai poah ah, a zaw mi, CDF an tam tuk, tiah, an mual nan pho hna caah, ka chanh ve hna bia. An i ruahchanh mi, Federal Army le Dr. Pa ruang ah, CDF a lutmi an tam deuh kho men dakaw?American, NATO le UNSC nih, hriamnam in, MAH dantat ding phun in, interview kip ah nanbia a leng. Thaizing kiptuh ah, ICC nih, MAH tlaihding, bantukin, bia nan thlah fawn. Cucaah, GZ an tha a tho i, CDF ah, tampi an lut. Hihi false Promise asi ko lo maw? I remh a herhlo nan ti maw?

CNF / CNA nih nan i thawh riangmang i, Raldoh caan nakin, CDF karlak remhnak ah, caan a dih deuh nan ti. Chin mi funtawm tu, nan si bantukin, a hlan kan in, a tawn tir hmasat ding mi, nannih CNF nih, nan rian, tlam nan tlinh lo, caah asiko. CNF ah, Politicians cu kan i ngeih hna nain, Davida le Mosey Dayan bantukin, Ralbawi tha, kan in ngeih lo i, Chinmi pumkhat / hmunkhat ah, funtawn thiam tu, fimnak kan / nan bau tuk. Tutan CDF karlak buaibainak hi, a theipar asi. Aci tuh tu cu, Mirang le kawl ansi. Ti toih tu le Nawn toih tu hi, Uktu Luban Chin Kanpa le rual ansi. Adam tertu sibawi cu, CNF nansi. NCA tan lio tal ah khan, One Army, One Voice in, nan rak remh diam awk asi cang. Kan / Nan van chia kan ti lai cu. CDF tu nih, JCDC in, an kal mi hi, mi hmai khah asi pah lo dakaw! ZRA, ZOGAM ARMY le Mara Army ral i veng a herh rih fawn. Cucaah ICNCC ah maw (asiloah) Committee pakhat tuah in, Chin Ralkapbu vialte, funtawmtu buu, ser a herh lai. Aa tel ding mi cu; CNF upa, Politicians, Mifimthiam, Lawyers, Party luban hna, Tribe ai awhtu upa hna, CDFs Ralbawi hna, an si hnga? Nan ei khawh ci asi lai dah?EAOs hmunkhat ah, a fawnh khawh lo tu hi, remh zawk zawk ding. “NUG ah aa tel duhlo mi, EAOs cu, Dr. Sa Sa nih, Warning a pek” timi nih thil a hrawk asi hnga maw? An duh mi Constitution le biakamnak kha, NUG nih, nan tuah khawh lo / nan promise khawh lo caah, asi hnga maw? NUG Charter nih EAOs kha a lem sawi khawh lo caah, asi hnga maw? Kawlrim a nam tuk tiah NUG he i pehtlai duh loin, AA Tun Miat Naing bantukin an um asi maw? Ruah awk le Tuak awk (Homework) a tam hrinhran ko.

Awkhat, thinkhat, lungrual tein, voi voi khat ah kan namh khawh rih lo ti asi. Zeizatdah a can pek rih a herh hnga. Rallokap cu Awkhat in voi voi khat ah an kan namh lengmang hi mu? Rallokap sin ah hi Tactics hi, NUG nih nan cawn a herh rua ti awk in.Jet Fighters, Raltuknak Van lawng tha tha, Bomb mangtara, RPG, Soulder Launchers, 60MM, Sniper, Tanks, Raltuknak Motor tampi le Rallokap relcawk lo he, a dir ko mi / a kan awrh ko mi cu; Puahceh, 4.8, AK47 le M16 in va doh uh law, vathat dih uh ti cu; vawlei phung asilo. Ritzang aakhat lomi cu Boxing, Wrestling le UFC ah cohlan asilo. An ralchia i an i zawt ter nan ti ngam rih hna, maw Khawzing Pathian. Oh! My God, Terrible ti cu hi hi asiko.MAH le Rallokap tei cikcek kho tu hriamnam cu NUG nih nan kan bawmh khawh hlanlo poah cu Ral kan tei lailo. Thantlang kah le va lak zong kan fial rih hlah uh. Nawlnak: MAH le Ralhrang Ralkap thluk duh tuk ruang ah vansang au bia asi. Pumpak le bu soisel nak asilo. Ruahnak cheuh asi tiah ka pom piak ko uh. Victory Revolution soon! Overcome MAH and Terrorist Burma Junta Coup.

 

Crd:Joseph R. Thang

Author: admin

Leave a Reply

Your email address will not be published.