Lai Students’ Association (LSA) Sub-Headquaters; Sangau Nih Hlawh Tlin Nak A Hmu Mi Sianhngachia Pahlei Sa Rih Cu Conglomh Nak Ro Ca An Pek Hna

Dt. 29.12.2021 ah Lai Students’ Association (LSA) Sub-Headquaters; Sangau nih Sangau Sub-Headquaters Area chung ah siangngakchia hlawhtlinnak a hmu mi hna conglawmhnak an ngei. Hi caan ah hin LSA Sub-Headquaters; Sangau OB le Executive members leng ah, General Headquarters lei in Vice President Tumbikcheu le General Secretary MC Vanlalrova Lai hna nih an telpi hna.LSA Sub-Headquaters; Sangau Executive Committee hmasa cem nih biakhiahnak a rak tuah cang bantuk in “Sangau le a kiangkap khua, LSA Sub-Headquaters; Sangau area ah, kum 2020-2021 chung in siangngakchia hlawhtlinnak a hmu mi conglawmhnak rocatial pek siseh” tiah a rak ceih cang mi cu pehzulhnak an ngei. Hi conglawmhnak ah hin MBSE, CBSE le Recognised University in subject topper a silole distinction in hlawhtlinnak a hmu mi siangngakchia 17 hna sin ah rocatial an pek hna.

Covid rai le thil dangdang ruangah hmunkhat ah tonpumhnak tuah lo in, LSA Sub-Headquaters; Sangau OB le Executive members hna leng ah General Headquarters hruaitu hna telpinak in siangngakchia conglawmh mi hna khua le anmah inn ah conglawmhnak rocatial hi va pekchanh a si. Lungtian khua in conglawmh mi 10 an um i, Lungtian-I YLA branch hruaitu hna tawlrelnak in Pu S. Malsawmsanga, Lungtian-I Branch YLA Secretary inn ah tonpumhnak caan tawite tuah in, hlawhtlinnak a hmu mi Lungtian khua 10 le Vartek khua siangngakchia pakhat telhchih in rocatial pekchanhnak ngeih a si. Rawlbuk khua in Pakhat, Sangau-I in pahnih, Sangau-II in pahnih le Sangau-IV in pakhat, an dihlak in hlawhtlinnak a hmu mi 17 hna sin ah conglawmhnak rocatial hi pek an si.

Conglawmhnak a tlamtin khawh nakhnga siangngakchia hlawhtlinnak a hmu mi hna le YLA khuatlang hruaitu leng ah zeizongte a tawlrelpitu General Headquarters hruaitu hna cung ah LSA Sub-Headquaters; Sangau nih cun lunglawmhnak bia a chim.

Crd: The Chin Post

 

Author: admin

Leave a Reply

Your email address will not be published.