KNLA Nih SAC Ral Hrang An Tuah To Hna Dan Hi Cu Lung A Hmui Lawlaw

Dec 30, tuni zinglei ah a chuakmi Laykaykaw kahdohnak ah ralhrang ralbawi (တပ်ခွဲမှူး) telh in ralhrang 7 hna cu an hriamnam he KNU ralkap KNLA nih an tlaih hna tiah theih a si. Mawṭaw sawhsawh he an umnak an i ṭhial lio Yatehko khua ah an tlaihmi hna a si tiah Karen Information Center (KIC) nih a ṭial.

KNLA ralkap pakhat nih “Tuzing kahdohnak ah kan tlaih hna, ralhrang 7 an si. Tetkhuaihmu pakhat aa tel. A dang cu ralhrang sawhsawh an si. Cunglei upa hna sinah kan ap cang hna” tiah KIC ah a chim.

Kan hnulei Dec 16 i Laykaykaw kahdohnak zongah ralhrang khah-mah-yiah 275 in ralhrang 6 le BGF 2 cu KNLA le nih an rak tlaih bal cang hna. Cu an tlaihmi hna cu harem le vuak um loin ṭha tein zohkhenh an si tiah KNU nih a thanh.

Author: admin

Leave a Reply

Your email address will not be published.