Kalay Peng Natchawng Khua Kah Doh Nak Ah Mipi Cei Lak An Thih Leng Ah An Inn Zong Tam Pi A Kang Than

Sagaing Ramthen, Kalay peng thlanglei um Natchaung khua ah December 26 in Ralhrang le PDF-Kalay, CNDF le ပ.က.ဖ phu i bawmh in kadohnak ah mizapi 30 tluk an thi cang i inn 30 nak tlawmlo an khangh cang tiin khuami sin in theih a si. Natchaung khuami pakhat nih “khuachung cu Raldonak vanlawng in an kah,cu an kah in khuami zong kan zaam hna.

Bomb zong in an kah Natchaung sang 1 ah cun mi an hmuh mi poh an kah hna, ttih in a zaam mi zong an kah hna. Kan theih khawh tawk ah minung 30 tluk cu an thi cang” tiin a chim.Mah i kahnak ruang ah Inn thong leng cu zamtak a si cang. Ralzaam khuami pakhat nih “tu khuachung ah hohmanh an um ngam tilo. Khuami dihlak deng kan zaam cang.

A tar tuk cang mi le pumtlamtlinglo mi lawng an taang cang tiin ka ruah,tubantuk caan ah rawl ei tidin ding kan har” tiin a chim chap. Natchaung khua cu inn 3,000 renglo a um i tubantuk kahdohnak ruang ah Natchaung lawng siloin a pawng um khua zong an zaam cang tiin theih a si.

Author: admin

Leave a Reply

Your email address will not be published.