Min Aung Hlaing Cozah Hi Vawlei Pi Ah A Sung Tuk Ko Na In Tluk Khawh A Si Ti Lo Nak A Ruang Bik

MAH le Rallokap Cozah hi kaakip ah an sung cang. Legitimacy timi cozah asiko tiah cohlantu an um ti lo. UN le Geneva ah an sung. UK, USA, EU 27 le Nitlakram ah an sung cikcek. Japan, Australia, South Korea ah an sung fawn. ASEAN ah an sung fawn. Russia, Ukraine, Belarus, China le Cambodia lawng nih an cohlan cang.
Sihmansehlaw, kan thluk khawh ngai ngai hna lo i, kan tei khawh rih hna lo.CDM (Civil Disobedience Movement) in Ralhrang uknak dongh ter ding in rak i zuam hmasat asi. Mahatama Gahdin lam kha zulh asi. Zarh (2) ah MAH kan thluk lai ti asi. Thla (2) ah an ti than. Nain thlapa (11) chung ah kan thluk khawh ti hna lo. Dr. Sa Sa nih Pathian lawng nih a theih lai a ti cang. Min Ko Naing nih “ဘယ်ဘုရားမှမဟောနိုင်” Pathian kip nih an hngalh ve lai lo a ti diam cang. NUG zong ram kip nih cozah ah cohlan asiko nain MAH thluk khawh asi rih hoi lo. A poi bak. Dr. Sa Sa te nih ramdang he an tuan tinak vialte zawng parathlei dawh in thil a kal. MAH a hrik hmanh a thak ti lo. MAH cozah cu Hriamnam zuar lo ding ti asi.

China, Russia, Ukriane le India nih hlanlio nakin hriam an zuar deuh fawn. MAH a duh mi kip an pe. A ba tiangin an pe. MAH he aa pehtlai mi Sipuazi vialte phih dih ding ti asi nain, France, Germany, Australia tbk ram hna nih MAH Cozah he Gasoline le Bank sipuazi an tuahti ngol an duh lo. Japan le Singapore nih Raltuk ning Tindan cu an pek thiam thiam rih, an ngol rih lo. American le UN nih a phun phun in an i zuam nain, Practical in thil an kal pi khawh lo. Theory le Laws incun special asi nain, biatak tein a kalpi tu le tlamtlin tertu an um hoi lo. US i NDAA upadi hna hi an tha tlukin Kawlram ah mual a ngeih lai hi hnabei a sei pah ti lo. Nuhrin covo phu vialte, Mifim thiam hna, Politicians hna, Lawyers le Sihni vialte, ram hruaitu le ram lutlai tam deuh nih, mipi thah hi ngolh cang an ti cio ko nain, Mipi thah le thih nan duh lo ahcun, ka doh hlah ngat uh a ti salam.UN le US cu a vansang cang i, Humanitarian timi NGO riantuannak tu in, Kawlram mipi chanchuah lei tu ah an i lak cang. MAH ruang ah Kawlram mi sifak rual hi 30 million asi lai. Cu bawmhnak caah USD millions 1000 leng a herh tiah UN nih fund an kawl lio. 300 millions an hmuh cang. US tu nih cu Kawlram Democracy lei kirthan nak caah 700 million kan hman lai ati. Hi hi hriamnam in MAH thluknak caah hman ding mi asilo.

GZ cu hriamtlai in dothlennak an tuah cang. Atang mi CMDers le mipi cu duh chung in, duh tik can poah / rawl ei ka thawt lo poah ah, thah kan si cang. Thinlung le chunmang ah GZ nih an tei tuk palia hna. Nain MAH thluk khawh ding ah hriam an ngeih khawh rih lo. An i ngeih cia mi hriamnam zong cu MAH thluk cu chim hlah, MAH teitu asi khawh rih lo. Puahceh deuh a tam. CDF / PDF caah Hriamnam, Sii ai, eidin, thuam bawmhtu hi NUG asi tiah ruah cio asi. Nain hriam cu chimh lo an eidin hmanh an rinh khawh hna lo. Thuam loin a ummi an tam deuh rih. PDF Southern Batallion hi (6) a um i, Batallion (1) lawng hi meithal an ngeih rih. Adang cu meithal loin ral an doh lio. An riakcaw hi NUG ah hal chawm asi. Punghman in support an tuah khawh hna lo. Adang PDF derhmun cu chimh a hau lo. CDF tu hi ramthumnak um.Chinmi thaw in nihin tiang an nung ko. MAH Thluk khawh tu ding Hriamnam belte kan cawk piak khawh ve hna lo. Cu chinchap ah ral nan sung, nan tuk ngam hna lo, nan ralchia, tiah an mual kan pho rih hna.Chinchap cu a chap rih i, ZRA nih CDF an kah. Mara Army nih CDF Kah aa timh hoi. Lotlau bak asi ko. Ramdang um Chinmi nih cawkpiak ciami hriam hna cu MAH nih Tactics a thlen caah, hman awk an tha tilo. Rallokap nih Jet fighters, Helicopter, RPG, Sniper lawng an hman cang.

NUG hi cazin langhter khawh mi lawng in Phaisa atlawmbik, USD 1500 Millions an ngeih. NUG nih Raltei ngai ngai nan duh ahcun, CDF / PDF cu hriamtling cawk piak cang uh. NUG Budget hi cazin ah langhter awk a tha lomi a tam deuh ti zong mipi nih philh lo ding. MAH thluk khawh tu ding hriamtling cu CDF / PDF bawmh an herh. Culocun MAH thluk a fawi ti lo. MAH nih Aduhmi hriam poah poah cu, India, China, Ukriane le Russia in a cawk zungzal (cat loin). NUG hi nan phete deuh ko. Raltei ngai ngai a duhtu NUG le Dr. Sa Sa nansi ko ah cun MAH thluk khawh tu hriam tling / hriam tha in CDF / PDF bawmh cang uh. Thisen le nunnak tampi an liam than hlan ah, Innlo le Khuapi tampi an ciamh than hlan ah. Adang lei Phaisa hman kha, totally Stop chung uh. Thla (6) chung te hi cu, zei kan ti hnga, Hriamnam lawng lawng, cawk ko uh. CDF / PDF an herh mi dang bawmh rih uh. Culocun nan ruah lo ning in thil a kal kho.

Crd:Joseph R. Thang

Author: admin

Leave a Reply

Your email address will not be published. Required fields are marked *