Kawl Ram Le India Cu Phung Ning Lo Chawleh Ruang Ah An Buai Chin Ko Cang

Nai tan ah Mizoram Champhai District ah phungning lo in a lutmi kuva thei tlaih le hrawh theih a si lio ah Mizoram state pawng Assam State ah hi phungning lo in kuva thei a lutmi an tlaih ve. Assam ram chung Hailakandi palik hna nih Myanmar lei in phungning loin kuva thei a lutmi, quintal 1700 an tlaih, local market man cun India phaisa sing 500 man hrawng a si. Hi kuva thei he aa pehtlaimi minung 22 an tlaih colh hna i, nawlngeitu nih taza an cuai hna.

Hailakandi District, Superintendent of Police(SP), Gaurav Upadhyay nih cun Hailakandi District chung hmunkip an tawl hnu ah, Myanmar lei in phungning lo a lutmi kuva thei an tlaih kong le kuva thei chiahnak inn zeimawzat an hrenhpiak hna kong a chim. Kuva thei an tlaihmi tampi cu an hrawh colh kong le an hrawh rih lo mi zeimawzat cu ramleng lut an si le silo an fianh rih lai kong Hailakandi SP nih a chim chap.

Hi kongkau ah hin Assam Chief Minister Himanta Biswa Sarma nih ramleng in phungning lo kuva thei a lutmi pohpoh cu an tlaih dih lai kong le palik nawlngeihnak ah an chiah kong a chim ve. Assam State ah hin phungning lo chawlehnak(smuggling) an doh tuk ko nain Hailakandi district chung ah cun phungning lo kuva thei a lutmi a um rih peng kong a chim.

Crd: The Chin Post

Author: admin

Leave a Reply

Your email address will not be published.