Chin Ram Kulh Paletwa Ah Ralhrang Phu Nih Tlang Bo Ah A Puanlang Rang An Thlai Nak A Ruang

Chin ramkulh, Paletwa hrambunh LIB-289 Council ralhraang Battalion umnak tlangbo ah puanlaang (Flag) a raang mi an thlai kan hmuh tiah tualchung mi sin in kan theih.

Tualchung mi Ko Aung Moe Win nih, “LIB-289 Battalion hmunhma chung ah puanlaang raang an thlainak hi zarh khat hrawng a si cang. Tu thla ni 23 in kan hmuh cang i atu thla ni 28 tiang aa thlai peng rih ko. Zeiruang ah an thlai ti cu kan thei lo,” tiah chim. LIB-289 Battalion chung i puanlaang a raang mi an thlai hnu in an hmunhma chung motor lutchuak zong a tlawm deuh cang tiah tualchung mi nih an chim.

CDM a tuah mi Captain pakhat nih, “Puanlaang a raang mi thlainak hi a ruang pathum a um. Bedin ruangah thlai zong um. Ralhraang thazaang um lo in an chungkhar lawng kan um tinak le raal ram i puanlaang raang thlai ahcun surrender kan tuah tinak a si. Atu an thlai mi hi cu zeiruang ah ti cu anmah lawng nih an theih lai” tiah a chim. Credit: DVB

Crd: The Hakha Post

Author: admin

Leave a Reply

Your email address will not be published.