Tutan CDF Thantlang An Cathanh Cu Lungdongh Tuk Cang Hnu Zeihmanh Tuahawk Theih Tilo Hnu Cathanh Bantuk Khi Lo

Tutan CDF- Thantlang an cathanh cu, lungdongh tuk cang hnu, zeihmanh tuahawk theih tilo hnu cathanh bantuk khi a lo phah. Ei hnga dingmi khengchung rungrul hmanh thianhta lo in, chumrih lomi buaipi khi lo phah fawn.Tulio dothlennak ah cun ralhrang cihmih ding a si rih. Tisik an-hna, satil, le thingram zohkhen le humhak caan aphan deuh rih lo nain.Mitchung a hnawmmi thianhter hmasa lo ahcun.Ram Ruat Thang

relchap: Chin Ramkulh ah hriamtlai phu thar pahnih Mara National Defense Force (asilo ah Mara Army) timi le Zogam Army timi an dir tiah thawngzamhnak tampi nih an thanh.MNDF/Mara Army (MA) nih December 13 ah Chin ramkulh ah rak dirh a si cang tiah December 21 nithla khenh in cathanh an chuah. Cun, Chin ramkulh Tedim peng ah Zogam Army (Zoram tinak) dirh a si nak Online ah December 22 ah a hun kai, Department pariat langhter in Kamhau/Sokte ca in tialmi in thanhnak an tuahmi hmuh khawh a si.

Nihin tiang ah Tedim le Tonzang peng lawng ah hriamtlai phu 5, PDF-Zoland, PDA, CDF-Tonzang, CDM Sihzang, Zogam Army hna an um. Cun, India Manipur hrambunh simi le India cozah he kahdaihnak minthu cangmi ZRA (Eastern Command) hi Tedim le Tonzang peng ah an cawlcang tiah theih a si. Mara kong he pehtlai in, Mara ahhin CDF-Mara zong an um i, Chinland Joint Defense Committee ah chungtel an si. Mara Army bel hi an dirh thawkka a si, cun an cathanh ah an langhtermi a um lo.

A dir tharmi hriamtlai phu hnih nih an i timhmi cu miphun himhimnak, Ralhrang Kawl Ralkap le a hawikom vialte cihmih dih le Federal Ramkomh dirh khawhnak ding caah a si tiah an langhter. Chin ramkulh le ramri, Sagaing le Magway ramthen telh in Chin mi bunh in a cawlcangmi hriamtlai phu hi phu 20 tluk deng an si cang tiah theih a si. A bik in, Peng khuapi hna min bunh in cawlcangmi le a pengtlang hawih in dirh in cawlcangmi le a hmunhma huap in cawlcangmi tiah CDF, CNDF, PDF tbk. in an cawlcang.

Crd:The Chinland Post

Author: admin

Leave a Reply

Your email address will not be published.