Tulio Zawt Nak Thar Kong He Peh Tlai In Mizo Ram Thawng Pang Thar

Nai tan ah khan Kolkata lei in Mizoram ah a hung tlung mi pahnih, Covid zawtnak a ngei mi hna cu Omicron a si sual ah, tiah check nawlh ding in Kolkata ah sample kuat a si. Kolkata laboratory ah zohfel a si hnu ah Omicron a si lo, tiah fianh a si. Mizoram nih Omicron zawtnak lak in a him khawh nakhnga cozah lutlai lei in phungphai sersiam a si, ramleng in Mizoram a lut ding pohpoh cu check gate le airport ah zawtnak an ngeih le ngeih lo zoh hmasa a si rih lai.

Omicron nih vawleicung ramdang ah mizapi tlongleng kho lo in harnak a tuah cuahmah lio ah, Delta variant a tuar biktu India zong ah Omicron a lut cang. Mizoram chung bik ah cun state dang in a rak lut mi pohpoh covid an ngeih le ngeih lo check hmasa an si. Nai tan ramleng in Mizoram a rak lut mi lak ah covid zawtnak ngei mi pahnih cu lunghrinh in Omicron an si sual hnga maw tiah an zawtnak sample cu Kolkata ah kuat a si. National Institute of Biomedical Genomics, Kolkata nih an zoh hnu ah Omicron zawtnak a si lo kong an fianh.

Mizoram IDPS nodal officer Dr Pachuau Lalmalsawma nih cun hi hna pahnih leng hi cu zawtnak lunghrinh mi an ngeih rih lo kong le a dang kuat mi an ngeih rih lo kong December 22, 2021 ah khan a rak chim. Dr Pachuau Lalmalsawma nih, “Mizoram ah Omicron a luh lo nakhnga a herhning in tuanvo kan laak lai i, ramleng in a hung tlung mi pohpoh cu zawtnak an ngeih le ngeih lo check hmasa an si lai,” tiah a chim.

Crd: The Chin Post

Author: admin

Leave a Reply

Your email address will not be published. Required fields are marked *