January Thla Ah NATO Nih Russia President Ton An Duh Nak A Ruang Bik

Naitan Russia President nih a ralkap General hna he biarauhnak an ngeih lio ah North Atlantic Treaty Organisation(NATO) thihphaihnak aw-aan a rak chuah cang. Ukraine he an buainak ah NATO aa rawlh ve a si ahcun an caah harnak faakpi a chuak lai, tiah a rak hro hna. NATO nih Russia cu Ukraine ramri ralkap a chiahmi vialte kirter ding in a rak chimh ve. Hi buainak ah hin vawleicung ram nganngan UK, France, Germany le US hna zong nih Ukraine an dirkamhnak an rak langhter.

December 26, Zarhpini ah khan NATO Secretary General Jens Stoltenberg nih cun a ra lai mi January 2022 chung ah NATO-Russia Council tonbiaruahnak ngeih an duh kong a chim. Sinain Russia lei nih NATO he tonbiaruah an duh le duh lo kong an chim rih lo.

NATO in chimphuanak nawl a ngeitu ni cun, “January 12 ah tonbiaruahnak ngei ding in Russia kan pehtlaih peng ko hna,” tiah a chim. Moscow(Russsia khualipi) lei duhning in kumthar January 12 khi NATO Secretary nih Meeting an ngeih ni ding ah a phuan. Khi January 12, 2022 khi member 30 umnak NATO ramkulh ralkap lutlai hna nih Brussels khuapi ah nihnih awh ding meeting an thawk ni ding a si.

Crd: The Chin Post

Author: admin

Leave a Reply

Your email address will not be published.