KawlRam Kah Doh Nak A Chuah Nak Thawng Pang Thar

Kayin Ramkulh, KNU Battalion 6 chung um,Laykaykawh ah Hriamngan in Ralhrang nih nihin zinglei suimilam 4:00 thok in an kah than hna caah MayThawTalae khua lei ah Ralhrang thazaang tampi in an rak kai i kaphnih kar kahdohnak a chuak than tiah KNLA thawngthanhnak sin in theih a si.“Zinglei suimilam 4:00 khan hriamngan in an rak kah cang.Hriamngan kah thawng le bomb puah thawng pehzulh in kan theih” tiin Thai-Myanmar ramri Taungyin tiva pawng ah aa zaam mi ralzam pakhat nih a chim. KNLA lei thawngzamhnak nih cun MayThaw Talae lei ah Ralhrang minung tampi an kal i kaphnih kar kahdoh nak a chuah lio a si tiah theih asi. December 15 thok in Kahdohnak ruang ah Thai-Myanmar ramri le Thai ram chung ah a zaam i aa dor mi mizapi 15,000 hrawng an si cang.

CDF-Mindat Nih Ralhrang 7 An Thah Hna, CDF Pakhat Nunnak Liam, Ralhrang Nih Kum 12 Mi An Tlaih
Mindat peng ah December 17 ah ralhmai hmunhnih in a cawlcangmi ralhrang le CDF-Mindat atu le tu i awk in kahdohnak achuak, ralhrang 7 an thi, hliammi zong an um.
Ralhrang nih mizapi ngeihmi vok, ar, an thah in an ei hna, khuami inn, sii-inn hna zong hriamngan hmang in an hrawh hna, kum 12 ngakchia pakhat le adang khuami an tlaih hna.
Nihin Sitmuai khua kahdohmak ah CDF pakhat miphun le ram caah a nunnak aliam.

Kalay Peng Natchaung khua lei arak normi ralhrang December 26 zaanlei in CNDF, PDF(Kalay) le ပ.က.ဖ he an i kap hna i zaankhua dei ti tluk in kahdohnak achuak, ralhrang nih hriamngan in an kah hna i ပ.က.ဖ chungtel pahnih an nunnak liam PDF(Kalay) pahnih hliam an tuar, CNDF in pakhat hliam atuar, ralhrang lei in hliammi le thimi an um nain fianghlang cun theih asi lo. Nihin December 27 zinglei (3:30) hrawngah Kalay khuapi, Tahan veng Tawngphila palek riahbuk zung pawng ah CNDF, TDF, PDF(Kalay) i bawm in kahdohnak ah ralhrang maw pakhat an chuh hna, mizapi ralkap lei in hliammi an um lo.

Crd:The Chin Post

Author: admin

Leave a Reply

Your email address will not be published.