ZRA Dohpi Ding In NUG Le Dr.Sa Sa sin Cakuat ZRA hi NUG Nih A Kan Dohpi Awk Asi

DDay ah NUG VP Duhlasivua bia: Ralhrang Rallokap le a minung vialte cu, a kikam i a um mi tiangin, thian hirhiar in, hmunphiah in phiah dih ding, a hram bakin phoih dih ding, ti asi. Dalaan, Rallokap party, Rallokap tender tama, Crony le Rallokap hawikawm vialte thahnak nawl cu NUG nih DDay ah, nawl pek asi cang. Kawlrawn ahcun Dalaan, Dalaan asi men lai timi poah poah, USDP, Rallokap Tender Tama, Rallokap he sipuazi tuah ti mi tbk an thah mi hna an tam tuk cang. Chinram ah cun aum lo ti awk tluk asi. Aum mi hnihkhat te zong buaipi cuahmah asi, Pengtlang le Krifabu tiang in, Dalaan caah CNA / CDF kan singkhaw cuahmah hna lio asi. MAH le Rallokap dohin cihmih loin, Dalaan kong phisin ah nuaihnuk ding in thil a kal cang. Dalaan kong ah i chuah sual khawh asi tihi ka pom ve. Nain fb le social media tiangin i phozarh le singkhaw hi cu a hlei rian asi. Kap hnih upa hna ton biaruah in khuakhan Lairelnak tu in daihter i timh deuh hna usihlaw a tha bik ko hnga? Dalaan nakin tih a nung deuh tuk mi, CNA le Chinmi cihmih tu ding ZRA an si hi philh lo awk asi lai.

Dalaan kong ah i tluk in nuai ka hnuk cu si kaw, MAH le Rallokap lei a tanh mi ZRA kong hi biatak tein tuak cio a herh cang. ZRA kha CNA / CDF nih an dohmi asilo. MAH an doh tu asi ti kha, Chinmi tampi nih (Abikin Tedim le Zo nih) kan hmuh khawh lomi hi; a poibik mi cu asi. Miphun dang theihnak ah “Chin le Chin an i doh” tiah “Shan le Shan i doh” bantuk phun in thil a kallo nak hnga, NUG pumpak hrim hrim nih, ZRA hi, nan kan doh pi a herh cang. Cu lawng ah PDF dang le EAOs nih, “ZRA hi Ralhrang asi kha an theih ve lai”. Vawleipi nih ZRA cu Ralhrang bak asi i MAH minung an si, MAH Thura pek tu an si, Ralhrang Khin Nyunt fanu thit tu an si, tiah an theih khawh nak hnga, NUG nih ZRA cu an kan doh pi hrim hrim a herh. Kawlrawn lei in PDF 100 – 500 tal cu ZRA doh pi ding ah NUG nih hung thlah ding asi. Hriamnam tling in bawmh rih hna seh. Chinram he a nai bik nak ah a um mi, Kalay, Palay, Yinmabin, Kani, Chaung U, Gangaw, Thilin, Kyaukthu, tbk in PDFs cu NUG nih ZRA dohpi ding in hung thlah seh. Mindat, Kanpelet, Paletwa le Matupi in CDFs hna cu ZRA dohpi ding in NUG nih nawl hna seh. Hi hi asi khawh lo nan ti ahcun; CNA / CDF nih ZRA dohding in hnatlakpi nak ca / thanhca chuah seh. Dr. Sa Sa le Kyaw Moe Tun nih ZRA ralhrang asinak hi UN le Vawleipi ah phuang ve hna seh. NUG cohlantu ram vialte sin ah ZRA ralhrang asinak ca kuat uh.

Aruang cu: NUG he aakop hmasat mi le aakop chun te EAO cu CNF / CNA lawng lawng asi. CNA nih NUG member asi ruang ah Camp Victoria hrawk kha MAH Planning nganbik asi. NUG cihmih awk ah Camp Victoria hloh timh cu asi. NUG hrawk ding ah an rat pah ah Thantlang Khualipi a ciamh hi asi. Thantlang cu CNA / CDF nih kan lak ni cu Kawlram chung ah NUG Zung onh khawh asi cang. NUG nih ralkap tei awk ah abiapi bik mi hmunhma cu Thantlang asi. Cucu MAH nih aa fiang tuk palia caah Thantlang nih tu derhhmun kan phak nak hi asi. U Nu Democracy Chan, Karen ral lio, Innsein te lawng kawl nih an uk lio; Kawlram khumzual tu cu; Chin Ralkap kan si caah, NUG nih ZRA nan kan dohpi cu nan covo rian, nan rian thiang le nan rian biapi bik asi ko. Karen Doh hi Col. Khen Za Hmung (Zomi pa) nih a duh lo. Col. Hrang Thio, Col. Kap Cung le Col. Van Kulh te hnathlak pi nak in Karen ral kan doh ti zong NUG nih philh hlah uh. Karen nungak he aa ngaizawn sual mi Chinpa cu mit thli he tian asi ko. Nan pipu that tu Chinpa cu na vat khawh lo ti asi. NUG nih hi hi philh fawn lo ding. Aungsan Thuriya Capt Thaicawn Dapeih hi Mithi ka pu asi ve caah, hi ca hi kan kuat ngam ve hna.

Ralhrang ZRA lawng kan doh mi asi. Tedim le Zo mi phun kan in doh bak hna lo timi zong NUG nih official in ca chuak uh tiah kan nawl ko hna. CDF – Hualngo, PDF Zoland le ZNDF nih ZRA an kan doh pi caah ZRA cu Ralhrang bak asiko ti hi elh awk a um lo. Moses Pau zong a lung fim ve cang seh. A tawpher thiang tein i hnawh khawh ve cang seh. Zawng bantukin a chiatha lawng mawih ti hlah seh. Politic ah mama lawng si loin Rawl tak tak ei khawh ve cang seh. Cu tluk in abiapi mi hmunhma ah CNA / CDF lawng nih kan derh onh i nunnak tampi kan pe cang nain a poi lo kan ti khawh rih. Nain ZRA dohnak ah NUG nih nan kan doh pi lo ahcun ruah awk thil tampi a um lai. Nan hnu an zulh te hna lai tihi philh lo ding.

Crd:Joseph R. Thang

Author: admin

Leave a Reply

Your email address will not be published.