Chin Ram Kulh Chung MP Pawl Inn Le Biak Inn Tiang Ralhrang Nih An Chuh Thluah Mah Hna

Chin ramkulh Paletwa peng, Sami khuapi in MP a tling mi Salai Myo Thaih a umnak inn le a inn vuang chung ah sakmi Mission Baptist Church cu Ralkap nih an chuh i, an hrenh khanh hna tiah theih a si.

Paletwa Peng MP Salai Myo Thaih hi Chin Ramkulh NLD EC chungtel a silawng silo in chungtuan (secretary) rian a tuan cuahmahmi a si. Amah hi, 2015 thimnak ah tei i, 2020 thimnak zong ah Pyithu Hluttaw Palai a tling than mi a si. Sami khuapi ah a inn le a inn kiang ummi Biakinn an chuh hi December 26 ah a si tiah, Zalen nih a tial.

Chin ramkulh chung ah NUG Minister Dr. Salai Lian Hmung Sakhong a inn Hakha ah an chuh, hrenh piak hnu ah MP Salai Myo Thaih hi a pahnihnak a si. Ramkulh chung in MP a tuan lio mi, 2020 ah a cuhmi le teinak a hmumi chung in Ralkap nih a ngeihmi an chuhmi a pakhatnak a si tiah theih a si.

 

Crd : The Chinland Post

Author: admin

Leave a Reply

Your email address will not be published.