KIA Le PDF Nih Ralhrang Sa Khan An Lak Leng Ah Ralhrang Ceilak An Thah Nak Le Khualtlawng Mi Motor Ralhrang Nih An Kah

Kachin ramkulh Moengyin pengkomh Sa-hmaw Kayinmyian (ဆားမှော် ကရင်မြိုင်) khua ah hmunhma a khuarmi ralrhang khah-mah-yiah (383) le khah-mah-yiah (384) cu KIA le PDF nih Dec 24, tuzing zinglei ah an doh i an lak khawh tiah theih a si.

KIO in Information Department nawlngeitu Bohmugyi Naw Bo nih “Ralhrang sakhan pahnih cu kan lak i mei in kan khangh” tiah a chim.

Ralhrang sakhan a doh i a latu hna cu KIA Brigade 9 tang i battalion 44 le Kachin ramkulh PDF hna an si. Kahdohnak a dih hnu zinglei suimilam 5 hrawngah ah ralhrang Helicopter pakhat nih voi 5 a lak hna i ralhrang lei a thimi an tam ruangah a si lai, tiah khuami pakhat nih a chim. Ref: Kachinwaves

Relchap:Taninntarri Ramthen, Myinth-Tharwai lam cungah khualtlawng citmi motor cu nihin zing suimilam 4:00 ah Ralhrang nih an kah hna. Motor maung tu pakhat a thi i khualtlawng aa citmi pathum hliamhma an pu tiin khuami pakhat nih a chim.

“Khualtlawng phurtu motor hmai ah pakhat khat a puak i mah hnu ah Ralhrang nih meithal in voi 10 thluk motor cu an kah. An kah mi motor hna cu Yadana Toe, Mandalar Min le thilphawr motor an si. Thilphawr motor maungtu cu an kah nak ah a thi colh. Mandalar Min motor maungtu zong an khen ve, a hliamhma a fak ngai. Yadanar Toe khua mi pahnih an khen ve hna” tiin khuami pakhat nih a chim. “Ralhrang nih an kah hna nain PDF kahmi phun a lo ding in an i tim. PDF lei nih cun khualtlawng cit mi motor cu zeitik hmanh ah kan kap bello tiah an chim ve.

Crd: The Chin Post

Author: admin

Leave a Reply

Your email address will not be published.