Mizo Ram Ral Zam Dir Hmun Thawng Pang Thar

Nizan December 20, ah khan Myanmar lei in Mizoram ah ralzam in aa dor mi hna kongkau hlathlai ding i dirhmi phu High Level Committee on Myanmar Refugee Committee, le Mizoram Home Minister Pu Lalchamliana hna cu meeting an ngei. Hi meeting ah hin myanmar ralzam hna nih bawmhnak tha deuh an hmuh khawh nakhnga an tuaktan.

Home Minister Pu Lalchamliana nih cun myanmar lei in a rak lut mi hna cu anmah pumpak sinak fianh khotu identy card tuahpiak in, an konglam le sinak fiangfai tein cinken khawh siseh, tiah biakhiahnak an tuah. Ralzam ca ah hin Chief Minister bawmhnak in India Phaisa sing 300 a um khawh lai kong zong a chim i, Home additional secretary Pu Vanlalmawia hruait mi Task Force phu cu bawmhnak project kalpi ning ah tuanvo la ding in a fial. Khuasik caan a phanh cang caah ralzam nih khuakik faak tuk in an taur nakhnga lo le ihphahpuan tha te an ngeih khawh nakhnga bawmhnak pek siseh, tiah biahkkiahnak an tauh fawn.

Hi leng ah hin ralzam umnak district ah cun District Level Committtee dirh ding in le Khua le sang kip ah Village Level Committee dirh ding in an ceih. Home Minister Pu Lalchamliana nih cun Myanmar lei in an himnak ding ah a rak zaam mi hna zohkhenhtu NGO le Khrihfa bu, zatlang bu le mi pumpak kip hna cung ah lunglawmhnak bia a chim. High Level Committee on Myanmar Refugee Committeee ah hin AH&Vety Minister Pu K Beichua, Health Minister Dr R Lalthangliana, Forest Minister Pu TJ Lalnuntluanga lengah ralzam umnak kip i MLA Pu ZR Thiamsanga, Pu L Thangmawia, Pu H. Biakzauva hna leng ah Department in tuanvo ngeitu vialte an i tel.

Crd: The Chin Post

Author: admin

Leave a Reply

Your email address will not be published.