KNLA Le Ralhrang Lei Kah Doh Nak A Fah Chin Caah KNLA Nih Thawng Zan Na k An Chuah

KNU brigade 5 hmunhma Phapun (ဖာပွန်) Mutaw (မူတြော်) pengkulh chungah nizaan December 20 ah ralhrang phu hna le KNLA kar kahdohnak voi 2 a chuak, cu kahdohnak ah cun ralhrang phu lei in minung 9 an thi i minung 4 nih hliamhma an tuar tiah Mutaw (မူတြော်) thawngzamhnak nih cathanh a chuah.

Nizaan zinglei suimilam 9:40 ah Thibaaye(ထီးဘာအဲ) khua ah kahdohnak voi 1 a chuak i, cu kahdohnak ah cun ralhrang minung 3 an thi minung 2 nih hliamhma an tuar. Cun zinglei suimilam 10:10 ah Tamiloe(တမီးလူ) khua ah kahdohnak voi 1 a chuak than. Cu kahdohnak ah cun ralhrang phu minung 6 an thi i minung 2 nih hliamhma an tuar. Ralhrang phu le KNLA kar kahdohnak ah KNLA lei a thi le hliamtuar um lo in hnu an tolh kho tiah theih a si.

A tu lio Kayin ramkulh chungah ralhrang phu hna le KNLA, PDF phufonh kar kahdohnak a fak kho a si caah mizapi nih ralrinnak ngeihcio ding in KNU Mutraw(မူတြော်) thawngzamhnak nih a langhter. Khit Thit Media

Author: admin

Leave a Reply

Your email address will not be published.