Aizawl DC Zung Pi Kang Ning Thawng Pang Thar

Aizawl Deputy Commissioner(DC) Zungpi cu nizan December 17 zinglei suimilam 3:15 hrawng ah khan a kaang i, inn zeimawzat a kaang dih. DC zungpi a kanghnak ruang hi theih a si lo caah hlathlainak tuah ding in magisterial inquiry dirh a si lai. DC zung hi kum 1890 mirang chan lio ah sak si i, kum 131 in a upa mi zung a si.

DC zungpi a kangh kong hi nizan zinglei suimilam 3:15 hrawng ah zung a hngak mi palik nih an theih i, fire department pawl an theihter colh hna. Fire department pawl an phanh ah cun mei a rak alh tuk cang caah hmih khawh a si ti lo. Zung pawng i thing inn pawl cu a rak thlaih dih manh hna, nain inn cheikhat belte a him. Zinglei suimilam 6:30 hrawng ah meikaang zualpi cu hmih a si nain thing a muat mi a um caah zanlei tiang tuanvo ngeitu hna nih ti in an phuh.
Aizawl DC zungpi a kangh kong an theih hnuh ah Disaster and Management & Rehabilitation(DMR) minister Lalchanliama le minister dang pahnih Pu Lalruatkima le Pu Robert Romawia Royte le cozah tuanvo ngeitu zeimawzat nih a hmun ah an va zoh colh. DC zung kongkau ah tuanvo laakning kong an ceih hna.

DMR minister nih cun Aizawl DC zung kangh kongkau hlathlai ding in magisterial inquiry dirh a si lai kong a chim i, DC zung an sak khawh hlan cu khatla sang i Old MLA hostel ah thial rih chung a si lai kong a chim. DC zung a kaang mi ah hin cozah roca zeimawzat a kang i, nai tan hrawng i ca a lut mi, computer i chiah rih lo mi cu a kaang dih tiah an chim. Palik nawlngeitu hna chim ning ah cun meikaang hi Election Branch in aa thawk tiah an chim.

Crd :The Chin Post

Author: admin

Leave a Reply

Your email address will not be published. Required fields are marked *