Shwebo Khuapi Ah Ralhrang Nih Cycle Pahnih Phirh Ruang Ah An Kah Hna

December 14 ni Sagaing ramthen, ShweBo khuapi ah ralhrang phu hna nih pa 2 cycle i phirh ruang ah kum 17 a si mi Ko Tun Lwin Oo cu meithal in an kahthah tiah SweBo khuami hna nih an chim.” Tun Lwin Oo cu KawLin khua mi a si i ShweBo ah thilthumh thlak rian tuan in nu le pa a cawm mi ngakchia a si. A kum hi 17 lawng a si rih, A mah hi cycle a mawngtu a si. A hnu ah a thu mi Ko Pyih Sone Oo cu an tlaih,” tiah khuami pakhat nih a chim.

Ralhrang hna cu thilthuam sawhsawh in an um an hmuh hna bak in an kah kah colh hna . Checkhlat nak le biahal nak zong an tuah hmasa lo in an kah colh hna. PDF tiah lunghrinh in dir ter i biahal nak checkhlat nak zong tuah hmasa lo in rian in an tin pah ah an hmuh hna i an kah colh hna. An thil tuah hi zei ti hmanh in kan cohlang kho lo, ” tiah ShweBo khua i a um mi pakhat nih a chim.

SweBo ah pa 2 Cycle i cit ti ruang ah ralhrang nih kahthah mi hi minung 5 an si cang tiah khuami hna nih an chim chap.Tlaih a tong mi Ko Pyih Sone Oo zong a tu tiang in a chungkhar hna he tonnak nawl a um lo i khawi ka ah an kal pi ti zong theih a si rih lo.

# Khit Thit Media
Crd : The Chin Post

Author: admin

Leave a Reply

Your email address will not be published.