Myitchian Khua Pawng Le Kani Peng Inlaychawng I Ral Hrang An Thah Hna Dan Cu Lung A Hmui Kho Tuk

Myitchian khuapawng ah December 13 , nizaan zinglei suimilam 8:00 hrawngah ralhrang phu motor 2 cu bomb puahhnawh in doh an ton caah ralhrang minung 7 an thi i minung 10 nih hliamhma an tuar tiah Myitchay (မြစ်ခြေ)- Gyunchawng(ကျွန်းချောင်း) mipi vengtu phu (MC-KC PDF) sin in theih a si.Magway ramthen, Pakokko peng, Myitchay (မြစ်ခြေ) khua Gyunchawng (ကျွန်းချောင်း)- Seaitphyu(ဆိပ်ဖြူ) motor lampi in a tummi ralhrang minung thazaang 30 leng nih zulhmi ralhrang motor 2 cu Daehpia(ဒဲ့ပြား)khua chaklei meng 2 hrawng hlatnak in bomb lung 9 puahhnawh in doh an si tiah MC-KC PDF in rianngei G-3 nih a chim.

” Ralhrang motor chung ah minung 7 an thi, hliamhma fak in atuarmi minung 10 an si, cu motor chungah cun pengkulh uktu zong a tel, zinglei suimilam 8:00 in doh an si” tiah a chim chap. Cu kahdohnak ah cun MC-KC PDF le Pakokku People Defense Force – PPDF hna phufonh nih an dohmi hna a si , PDF lei hliamtuar um lo in hnu an tolh kho than tiah MC-KC PDF nih cathanh an chuah. Ref.Myaelatt Athan.

Kani peng Inlaychawng (အင်းလယ်ချောင်း) khuapawng Chindwin tiva ah ralhrang phu hna tilawng phu cu mi zapi vengtu ralkap phu hna nih December 13, zaantim suimilam 12:00 hrawngah hriamngan le bomb puahhnawh in an doh hna caah ralhrang minung 10 nak tlawmlo an thi lai tiah Kani peng mi zapi vengtu ralkap phu- Kyautlunggyi(ကျောက်လုံးကြီး) KLG PDF nih cathanh an chuah.

Ralhrang phu tilawng cu hriamngan in an kah hna leng ah bomb in ralhrang phu tilawng cu puahhnawh in an doh hna. Ralhrang tilawng doh an tonnak cu KLG PDF, MPDF, Goldern Triangle Force, CHUPDF phufonh hna nih dohmi a si tiah KLG PDF sin in theih a si. Ref.Khit Thit Media

Crd:The Chin Post

Author: admin

Leave a Reply

Your email address will not be published.