Sagaing Ramthen Ayardaw Peng Keba(ကဲဘာ) Khua Mipi Um Nak Inn 100 Leng Mei In An Khangh

Sagaing ramthen Ayardaw peng Keba(ကဲဘာ) khua cu nihin December 13 ni zinglei ah luh hnawh in mipi umnak inn 100 leng mei in an khangh tiah khuachung ummi hna nih an chim.

Keba (ကဲဘာ) khua cu ralhrang phu hna le pyusawthi phu hna nih hriamhme le hriamngan he luh hnawh in an kah caah khuachung um mipi hna cu an rak zaam na in, khuachung an luh than ah a tu bantuk in luhhnawh le mipi umnak inn 100 leng mei khangh in an hrawh than hi a si tiah khuami nih an chim.

” Ralhrang hna cu khuachung mipi ngeihmi eiding hna cu an ei dih hnu ah a kir than, cun khuachung mipi umnak inn 100 leng cu mei khangh in an hrawh. Khuachung mipi hna le PDF nih mei cu an hmih. Khuachung mi hna nih an sunghmi thilri cu a tam ngai” tiah khuami pakhat nih a chim.#Khit Thit Media

Crd: The Chin Post

Author: admin

Leave a Reply

Your email address will not be published. Required fields are marked *