Kum 21 Rauh Hnu Ah Miss Universe Dawh Zuam Nak Ah Tuan Bia Thar A Tial Minu Harnaaz Sandhu

India nungak kum 21 mi Harnaaz Sandhu nihtukum kum 2021 Miss Universe zuamnak ah teinak a hmuh. Nihin December 13 zinglei ah khan vawleicung ram 80 in nungak mui dawh rual miss universe zuamnak cu a donghnak khar a si. A donghnak bik ah hin a voi 3 nak ding ah India nungak nih teinak a hmuh. Kum 1994 ah khan Sushnita Sen le kum 2000 ah khan Larra Dutta hna nih India aizawh in miss universe zuamnak ah teinak an rak hmuh cang. Tukum miss universe zuamnak ah Harnaaz Sandhu nih teinak a hmuh hin India nungak nih kum 21 hnuh ah tianbia thar an tial than a si.

A voi 70 miss universe zuamnak hi Eilit khuapi, Isreal ram ah ngeih a si i, vawileicung ramkip in nungak mui dawhdawh miss universe zuamnak ah hin an ra hna. Tutan zuamnak ah hin Paraguay nungak, kum 22 mi Nadia Fereira cu pahnihnak a si i, South Africa nungak Lalela Mswane, kum 24 cu pathumnak a si. Miss Universe zuamnak ah teinak a hmutu Harnaaz Sandhu hi nikum 2020 zuamnak ah teinak a hmutu Maxico nungak Andrea Meza nih Miss Universe luchin a chinh.

 

Tukum zuamnak ah teinak a hmutu India nungak Harnaaz Sandhu hi lemcanthiam le model rian a tuan lio mi a si i amah hi India ram state pakhat Chandigarh state um mi a si. Lemcan le model rian lengah cacawnnak lei zong ah hawihlei in a thiam mi a si i kum note a si nain Public Administration subject ah Master Degree a cawnglio mi a si.

Crd: The Chin Post

Author: admin

Leave a Reply

Your email address will not be published. Required fields are marked *