India Ram Le Ralhrang Kawl Ram Cozah Rian Tuan Ti An I Timh TakTak Cun Loh Kan Si Ko Lai

India4 Myanmar Cawlcanghnak Nihin December 10 Ah India Ram Manipur State, Imphal Khuapi Ah Cazual An Phawt Tthan.73rd Human Right Day ah Salai Dokhar hruainak in India ram Manipur state khualipi Imphal khua Pungna dawrtluan, Store dawr pawl le Inphal Royal Palace ah ” India for Myanmar” timi cazual an phawt zamh.

December 4 lio ah Mizoram State ,Aizawl khualipi Aizawl Bazaar ah Salai Dokhar hruainak in mino 10 tluk he ”India4Myanmar” cazual cu an rak phawt cang i, Aizawl khua dawr nganbik simi ”Millilium Centre ”hmai zong ah vinai an rak taar.

Nihin December 10 ah Manipur State khuapi Imphal ah cazual cu an phawt tthan, “‘Tluan cu kan tluang ko nain, Minipur State lei hi cu ttih a nung ngai ko nain, Tlaih sual zong le ram le miphun caah asi ko” tiah Salai Dokhar nih The Federal Times ah a chim. India4 Myanmar ”nih ai tinh bikmi cu India mizapi sinah ralhrang tuahsernak le India cozah nih ralhrang hriamnam a zuarhmi an duhlonak langhternak le India cozah nih Phunglut in ralzaam a cohlannak hnga kha asi.

Credit:The Federal Times

Author: admin

Leave a Reply

Your email address will not be published.