Ralhrang Nih Mandaly Chief Minister Dr Zaw Myint Mawng Thongthlak Dingin Bia An Ceih Than

Ralhrang nih nawlngeihnak lak hnu ah tlaih in thongchung biaceihzung ah a-hmuh kawlpiak a tongmi Mandalay ramthen Chief Minister Dr Zaw Myint Mawng cu sualpuh mi a hmuh hna chung in a-hmuh 2 caah nihin December 8 ah thong kum 4 thlak ding in biakhiahnak an tuah piak tiah theih a si.

Dr Zaw Myint Mawng cu kokek har tonnak a chuahtertu u-pa-di poh-mah 25/30(a) a-hmuh caah thong kum 2 thlak ding in biakhiahnak an tuah piak.

Cun poh-mah 505(b) a-hmuh caah Dr Zaw Myint Mawng cu a sangbik sual rikhiah piaknak in thong kum 2 tla ding ah biakhiahnak an tuah tiah theih a si.Kokek har tonnak a chuahtertu poh-mah cu Covid rai chungah mi bu tonnak tuah in cawnpiaknak a tuah caah tiah, sualpuh mi a-hmuh a si.

Cun 505(b) a-hmuh in sualphawt a si nak cu ralhrang nih nawlngeihnak an lak hnu ah NLD lutlai phu hna nih cathanh an chuahmi 2 cu tinh chih in party chairman si mi Dr Zaw Myint Mawng cu sualpuh a tonnak a si. Cathanh chuahmi 2 cu tinhchih in rampi ruahnak pe tu Daw Aung San Su Gyi, president U Win Myint, Naypyidaw in Dr Myo Awng hna zong Naypyidaw biaceihzung in thong kum 2 thlak ding ah biakhiah piak an si.#BBC

Credit:The Chinland Post

Author: admin

Leave a Reply

Your email address will not be published. Required fields are marked *