Nihin December ni 8 ah Indian Air Force (IAF) Helicopter

Nihin December ni 8 ah Indian Air Force (IAF) Helicopter cu Tamil Nadu State chung, Nilgiri Hills, Canoor hmun pawng ah a tla tiah IAF nih a chim. Hi vanlawng (helicopter) ah hin India ram ralkap bawi bik (Chief of Defence Staff) General Bipin Rawat, a nupi Madhulika Rawat, ralbawi dang CDS defence Assistant Brigadier LS Lidder, Staff Officer Lieutinant Colonel Harjinder Singh le IAF Official dangdang hna zong an i cit ve. Russia sermi IAF Mi-17V5 Helicopter ah hin a rianáš­uantu mi 2 he an dihlak minung 14 an i cit.

Hi tonsualnak kongkau hi a rannak in hlathlainak tuah colh ding in order chuah colh a si kong IAF(Indian Air Force) nih Twitter in an langhter. An bia chuah hmasa bik ah cun Helicopter aa cit mi lak in a nungdam le a thimi an um le um lo an langhter lo. Hi Helicopter hi Sulur Air Base in Wellington i Defence Service Staff College in Wellington va tlawng ding i a kal mi an si.

General Bipin Rawat hi India ram Chief of Defence Staff (CDS) a si i Army Chief rian a tlaih hnu December 31, 2019 in hi rian hi a tlaih. General Bipin Rawat hi Nagaland state, Dimapur i Lieutenant General rian a tlaih lio February 3, 2015 ah khan Helicopter tonsualnak a rak tong cang nain cutan ah hin cun a rak him. Tutan a tonmi ahhin cun thawngfiang theih a si rih lo nain a nungdam in hmuh dingah an zum lo. Source:Hindustan Times (December 8, 2021)

Creadit:The Chinland Post

Author: admin

Leave a Reply

Your email address will not be published.