India Le Russia Cu Biatak Tein Rian Tuanti An I Tim Mah Hi Kawlram Caah Thil Poi A Chuak Sual Te Hnga Maw

India Prime Minister Narendra Modi le Russia President Vladimir Putin cu tuzarh cawn nikhat ni ah khan Delhi khuapi ah India-Russia Summit voi 21nak an ngei. ram pahnih hna nih hin vawlei pumpi tiang i theih a herh mi bia tampi an i ceih leng ah riantuanti ding in hnatlaknak zong an tuah fawn. Russia President hi Summit hmang ding in India ah a rak tlawng i, zanriah a ei khawh in a tlung colh. India ah hin suimilam 5 hrawng a um manh.

President Putin a rak tlawn hlan ah hin Russia Foreign Minister le Defence Minister zong meeting ngei ding in an rak tlawng. Pu Modi le Putin hna hi ram pahnih riantuanti nakding ector 28 ah hnatlaknak an ngei i, min sen an thu colh. Cu hna lak ah cun Space Exploration(Van cung sang lei), Science and Technology, Heavy engineering, Trade and Investment lei i hnatlaknak an i tel.

Cawn nikhat ni thiamthiam i India Defence Minister Rajnath Singh le Russia Defence Minister Sergey Shoigu hna meeting an ngeih ah hnatlaknak an tuah ve. Caan saupi an rak hngah cang mi ‘A-203 assault rifles deal’ cu tlamtling tein min an thut khawh cang. Ram pahnih hna nih hin Uttar Pradesh i Amethi District ah AK-203 rifles(meithal) sing 5 leng, US Dollar Million 700 hrawng dih in an ser lai. Defence Minister hna nih hin hi hnu kum 10 dang ca ah riantuanti nakding hnatlaknak an tuah rih

Credit:The Chinland Post

Author: admin

Leave a Reply

Your email address will not be published.