Chinram Le Miphun Caah Nunnak Pek In Ral Kan Doh Kan Ti Mi Cu Pengtlang Nih Dolh Dih A Kan Timh Cang

Laimi cu zeibantuk paoh hi thawknak ah miphun min (zapi) in si i, a donghnak ah pengtlang min si peng.A va mak ee. kan tuanbia hi ropui hringhran ko ee. A mak hau, a makmi miphun kan si. Nain thlanmual le mithikhua ah kan pipu hna an lau in vansang. hmailei Lairam le Laimi kong ah.

1) CDM cu miphun min in thawhbur rak tuah si. tuni ahcun, pengtlang CDM thawhbur min in a kal cang.
2) CDF cu miphun min in runvennak le kahdohnak caah dirh si.tuni ahcun, pengtlang CDF min in a kal cang.
3) Pengtlang CDF hna, kan khua va chim sual hlah uh.
4) Pengtlang ruangah Lairam le Laimi hi a lotlau (loral) in ziam dih sual te hnga maw (mihrut khuaruah khin)Hal lo biachim hruh biachim in seh!

Mirang sinin “luatnak” lakpitu hi Kawlpa Aung San si. Cu bantukin tuni Kawl ralkap uknak chungin luatnak hmuhtertu zong hi taksa mit in kan chimh ahcun, Kawlpa le Kawlnu thawngin si tthiam te lai. A lenglei ah ai fonh i, a chunglei ah ai tthenmi hi Chinmi (Laimi) kan si. A cungpahlaang khin Chin le Laimi ah hmunkhat le funtom in kan um, nain kan chunglei cun pengtlang le khua tiang in ai tthentthek taktakmi kan si.

Chunglei in ai zum lomi le chunglei in ai zuamcawhmi kan si (pengtlang vs. pengtlang). Tawinak cun, kan Ram le miphun hrampi (foundation) hi a fek lo tukmi si. William Wallace bantuk hi Chinmi nih tulio ah kan herh rua?
Mah vial kha siseh tu kum MAH dohnak kan cawlcanghning tlangkawmtu ah. Kum 2022 cun, Bible le idea thar he Satan ka doh ve hau lai.

Credit:Van Nun Lian

Author: admin

Leave a Reply

Your email address will not be published. Required fields are marked *