Ralhrang Pawl Nih Kalay PDF Sakhan Va Lak Ding In An Fuh Sual An Pangma Ning A Fak Taktak

Kalaymyo ah PDF Riakbuk Lak Ding Ah A Ra Mi Ralhrang Bomb Puahhnawh An Tong 3 Thi.Sagaing ramthen, Kalay peng, LayChia (လယ်ခြား) le SiaTaw (ရှားတော) khua hna cu mei in an kangh i PDF riahbuk va lak ding ah akal mi ralhrang cu lampi ah Rangger Kalay phu nih December 3 ni zing sml 8: 30 hrawng ah bomb in an puahhnawh hna i ralhrang 3 ahmun ah an thi colh, a zan ah hliam a tuar mi 7 an thi chap tiah Ranger Kalay phu sin in theih a si.

 

Hi hliam atuar i athi mi 7 KoneThu(ခုံတိုး) khua thlan hmun ah an vui hna i a dang hliam tuar mi 23 chung ah an nunnak caah thin phang a si mi an i tel tiah Ranger Kalay phu hna nih cathanh an chuah nak ah theih a si.

 

Mah ralhrang phu hna cu Dalan lam hmuh sak nak in rallam 3 hmang in thazaang 120 leng in Ranger Kalay Defend Force phu riahbuk lak ding in an rat thawng cu Ranger Kalay nih thawng an theih cia caah bomb puahhnawh in an rak doh hna hi asi. Ranger Kalay phu hna tlaihmi le a hliam mi um lo tein hnu an tolh kho tiah theih a si.

Ref. Khit Thit Media ( The Chin Post)

Author: admin

Leave a Reply

Your email address will not be published.