Gangaw Lei Ralhrang Minung Pathum Cu An Mh Lungtho Tein CDF Sin Ah An I Fonh

Thawngpang dangdang: CDF KKG sin ah SAC Ralkap 3 an i Fonh.CDF Kalay, Kabaw, Gangaw sin ah SAC ralkap pathum an rak i fonh, tiah thawngpang an chuah.CDF KKG sin ah aa fonhmi hna cu Kha-Ma-Ya ralkap bu in Mang Bawi Hring (တပ်ကြပ်ကြီးစာရေး) le a dang pahnih an si. Atu tiang ah SAC ralhrang duh loin CDF KKG ah aa fonhmi SAC ralkap minung 6 an um cang tiah an langhter chih.

Hakha ah Nu hna cung Pumsa lei Namnehnak Dihdonghter ding in White Ribbon Cawlcanghnak an Tuah. Atulio Myanmar ramchung zong ah a cang cuahmahmi ralram nu tlaihremnak le nu hna cung ah pumsa lei in namnehnak pawl dihdonghter ding in Latsinu unau hna bu nih White Ribbon Movement Hakha ah an tuah.”Nu hna cung ah taksa lei in namnehnak le thahnawnnak ngol u,” timi tlangtar in Latsinu le unau hna bu nih ni 16 chung cawlcanghnak an tuah cuahmah hi a si.

“Min Aung Hlaing zong pumpak in ka hua lo i DASSK zong ka hua lo. Asinain Kawl pawl ramkhel cu a zumh hrim hrim ka zum hna lo. Kan ram buainak hi zoh uh a hram cu ralkap in aa thawkmi a silo. Nihin rampi buainak a innkillung taktak cu Kawl Politicians pawl riantuannak in aa thawkmi a si. Miphun dawpdolh duhnak lungthin ah hram a bunhmi buainak a si.

1947 Feb ah ramkomh (Union) dirh dingin min kan rak thut nain September ah a rawk colh. 1947 Phunghram kha Union phunghram a silo Unitary phunghram a si. Kan ram ah hriam a tlaimi zoh hna uh. Karen-1949, Shan-1958, Kachin-1961, Chin-1961 Khah hi pawl vialte hi ralkap uknak a chuah hlan Parliamentary Democracy lio tein hriam a tlai i dothlennak a tuahmi miphun kan si.

1956-1958 kar kum thum chung Chin Miphun Pi Ni (Chin National Day) a rak tlau/thi hrulh khah. Khakha ralkap uknak chan ah a silo. Kawl party he aa kommi Chin Hill Congress Party (Pu Za Hre Lian) te chan ah a si. Hi vialte mithmuh kuttongh thil kan ton cangmi ruangah kei cu Kawl politics paoh paoh hi ka zum kho ti lo.

Cucaah ka fale daihnak ca min kan thut lai, remnak kan ser lai, cucu kan in tuahpiak hna lai kha kha kan in tuah piak hna lai tiin Dothlennak hi Ramkhel muisam lei in an mer sual ahcun zeitik hmanh ah vun izumh in zul sual hna lai ucih!(Ho dothlennak lam in hnu na kir ni cu Ram le Miphun caah a nunnak a pe ciami na hawile an luruh na lamh ni le na hmailei nunnak lamthluan le ruahchannak vialte na sunghdih Ni a si ti kha va philh hlah)”

By-Rev. Dr. Lawha Ling (GS-CBC)
Salai Ngun San Aung

Author: admin

Leave a Reply

Your email address will not be published.