Mandalay In Chin Ramkulh Ah Luh Pi Ding Mi Hriamnam Phurtu Motor Cu Ralhrang Kut Ah A Um Hoi E

Mandalay in Chin Ramkulh lei a kai ding motor chung ah thuh mi meithal le zenthong pawl Council ralhraang nih an tlaih.Nizan November 20, Mandalay in Chin Ramkulh, Kanpetlet peng lei ah a kai lio mi, khualtlawng phor Yaw Shwe Man motor cung ah Council ralkap pawl nih meithal le zenthong an tlaih tiah theih a si.Motor nih a phorh mi motorcycle engine chung ah zenthong, ihphah chung ah meithal le scope pawl thuh in an phorh i Magwe ramthen, Pauk khua gate ah an tlaih hna tiah theih a si.

Relchap: Tanintharyi (တနင်္သာရီ)ramthen, Dawei (ထားဝယ်)khuapi chungah pa (2) an i phirh caah tlaih an tong i tangkaa liamter mi an um cang tiah khuami hna nih an chim. Dawei(ထားဝယ်) ah November 11 thokin pa (2) mawtaw saikal i phirh lo ding, nu nih mongh in a hnulei ah pa phirh lo dingin nawl an chuah tiah theih a si. Nawl an chuah hnuah Dawei(ထားဝယ်) tlaih a tongmi minung 3 nak tlawm lo an um cang i, tangkaa ting (1)cio an liamter hna tiah theih a si.

Kan theih khawh tawk ah cun minung 3 tlaih an si hna i, tlaih a tong chapmi zong an um. Kanmah nih kan theih khawhmi hna cu tangkaa ting(1)cio an liamter hna tiah theih a si. Palek sakhan ah kal duh lo ruangah lam ah kan liam colh i, tlaih a tongmi hna hi riantuan kal pah ah zinglei sml 7:00 hrawngah an kan tlaih rih lem lai lo tiah kan ruahsual i, tlaih kan ton hi asi.

Hmailei ahcun nawl an chuahmi hi tha tein zulh ding, zulh lo ahcun tlaih nan si rih lai tiah ralrinnak an kan pek tiah tlaih a tongtu pakhat nih ah a chim. Ralhrang nih mawtaw Saikal i phirhlo dingin nawl a chuah ruangah mawtaw saikal hmangin pawcawmnak a kawlmi pa caah harsatnak an tong tiah amah nih a chim. Nawl an chuahmi ahcun November 17 tiang lawng chimhrinnak caan an pek hna i, November 18 in cun nawl a ngai lomi paoh cu kah in tlaih nan tong lai tiah ralhrangbu nih nawl an chuah.

Credit: Than Lwin Times

Author: admin

Leave a Reply

Your email address will not be published. Required fields are marked *