Malaysia In Chinram Caah Nunnak A Petu Ka Nau Khua Tin Thang thlahnak le upatpeknak

Ka nau, Khua Tin Thang thlahnak le upatpeknak! Malaysia in khua a phak tlawmpal ah,Hringtu sung hno a nu he ngaihnak bia hmanh phaiṭi cim hlan ah,Miphun luatnak- raldoh ah aa thawh colh.Sunghno a nu nih a min fak hmanh an auh siang lomi,‘Koko Thlalie, Paatlie’ tiah an auh tawnmi a dawtmi fapa‘Ka u (Taako)’ ti’n a ka auhnak aw, ka hnathlam ah an cam.

Tangnga ka rak chimh hna lio, mirang ca thiam a duh ngaimi,Aa zuam i a thiam zong a thiam bikmi a si. Pupa paralṭha rual bang, miphun na dirkamh Harnak phunkip he zalennak banh in Ṭihnak ngeih lo, hmai ah na kal, tefa caah Na lu naa pe, na nun na thap miphun caah Na doh dinnak ral, miphun himnak Mi lungthin put ṭha, paralṭha le pasalṭha na si.A sunglawimi nunak pekin ni bang na liam.Na liam thawng nih khuaza a cul, na phunhawi sinah Semnak Laihri na tannak hmun, na bau cang lai. Hmanhsehlaw na min cu a sangbik upatnak he A hmun lan cang lai, na phunhawi thinlung ah.Sian lo, Ka nau—RIP.Credit:Van Cin Thang

Relchap: Tanintharyi (တနင်္သာရီ)ramthen, Dawei (ထားဝယ်)khuapi chungah pa (2) an i phirh caah tlaih an tong i tangkaa liamter mi an um cang tiah khuami hna nih an chim. Dawei(ထားဝယ်) ah November 11 thokin pa (2) mawtaw saikal i phirh lo ding, nu nih mongh in a hnulei ah pa phirh lo dingin nawl an chuah tiah theih a si. Nawl an chuah hnuah Dawei(ထားဝယ်) tlaih a tongmi minung 3 nak tlawm lo an um cang i, tangkaa ting (1)cio an liamter hna tiah theih a si.

Kan theih khawh tawk ah cun minung 3 tlaih an si hna i, tlaih a tong chapmi zong an um. Kanmah nih kan theih khawhmi hna cu tangkaa ting(1)cio an liamter hna tiah theih a si. Palek sakhan ah kal duh lo ruangah lam ah kan liam colh i, tlaih a tongmi hna hi riantuan kal pah ah zinglei sml 7:00 hrawngah an kan tlaih rih lem lai lo tiah kan ruahsual i, tlaih kan ton hi asi.

Hmailei ahcun nawl an chuahmi hi tha tein zulh ding, zulh lo ahcun tlaih nan si rih lai tiah ralrinnak an kan pek tiah tlaih a tongtu pakhat nih ah a chim. Ralhrang nih mawtaw Saikal i phirhlo dingin nawl a chuah ruangah mawtaw saikal hmangin pawcawmnak a kawlmi pa caah harsatnak an tong tiah amah nih a chim. Nawl an chuahmi ahcun November 17 tiang lawng chimhrinnak caan an pek hna i, November 18 in cun nawl a ngai lomi paoh cu kah in tlaih nan tong lai tiah ralhrangbu nih nawl an chuah.

Credit: Than Lwin Times

Author: admin

Leave a Reply

Your email address will not be published. Required fields are marked *