PDF Nih Ralhrang An Kahdoh Dih Bak Khua Chung An Va Luh Cu Mipi Nih Pangpar He An Rak Don Hna

Mizapi Vengtu Ralkap (PDF) Phu Hna Cu Mipi Nih Pangpar He An Donhna.Magway ramthen Saw peng ralhrang phu le mi zapi vengtu ralkap phu kar kahdohnak a chuah dih hnu ah mizapi vengtu ralkap PDF hna cu Awng Ta Pay(အောင်သပြေ) ah lut in mipi nih pangpar i put in an rak don hna tiah theih a si.

Magway ramthen, Saw peng Ginling(ကျင်းလိန်) khuapawng November 19 ni kahdohnak ah Chin mizapi vengtu ralkap CDF khanak in ralhrang helocopter pakhat cu a khu tampi he Kyaukhtu vanlawng tumnak ah emergency in a tum tiah PDF-Saw nih cathanh an chuah.

Ginling (ကျင်းလိန်) khuapawng nizaan ralhrang he kahdohnak ah CDF, YDF, PDF- Saw phufonh hna cu an tengti, ralhrang phu lei in minung 40 leng an thi i PDF-Saw in minung 1 a nunnak a liam tiah theih a si. Cu kahdohnak ah ralhrang phu lei nih Mi35p phun kahdohnak vanlawng cu hmang in vanlei in an kan kah tiah mizapi vengtu ralkap phu hna nih an chim.

Credit:Khit Thit Media

Author: admin

Leave a Reply

Your email address will not be published. Required fields are marked *