Tuchun Chinram Kulh Chung Kahdohnak In A Thi Mi Hna Thawngpang Theih Tawk

CDF-Mindat le YDF in Ralkap 14 an Nunnak a Liam.Nizaan tihni, November 17 ah a cangmi Htilin peng chung kahdohnak ah CDF-Mindat in munung pakhat le Yaw Defense Force (YDF) in minung 13 an nunnak a liam, tiah YDF nih thawngpang an chuah.November 16 le 17 ah SAC ralhrang nih ralzaam minung 5 zong ruru hranghrang in an thah hna tiah an langhter.SAC ralhrang lei in minung 10 hrawng an thi i, hliamhma tampi an pu.

 

Tuchun November 18 ah Thantlang le Sopum khua karlak ah ralhrang le CDF/CNA kahdohnak ah Khua Tin Thang nih ram le muphun caah nunnak a pek.Khua Tin Thang hi Malaysia ah caan sau nawn a um hnu ah kan ram ah a kir i a tu bantuk in ralhrang thalo dohnak ah a caan le a sining a pek hnu a nunnak a pek hi a si tiah kan theih.

CNDF nih SAC Ralhrang Palik “Ral Hlei Thang” an Tlaih CNDF nih Falam palik sakhaan ah rian a ttuanmi SAC ralhrang palik Ral Hlei Thang cu a nung in kan tlaih, tiah thawng an chuah.”CDM a tuahmi pawl konglam a hlat pin ah CNDF ralkap thazaang zeizah an um tibantuk hlathlainak a tuahtu a si caah kan tlaih,” tiah CNDF nih an langhter. Aluancia September thla ah khan Falam peng zung kip rianttuantu pawl ralhrang dirkamh loin CDM tuah u tiah CNDF nih ca an rak chuah i, a zul lomi cu fak piin dantat nan si cang lai, tiah ralrin an rak pek bal hna.

Hakha Peng, Vanha Biakinn Mei in a Ciam Dih.Nihin zaanlei sml. 12:30 le 1:00 karlak hrawng ah Hakha peng, Vanha Baptist Church (VBC) biakinn cu Solar he an pehmi Battery mei ruang ah a ciam dih tiah thawng kan theih. VBC biakinn hi a tung pe 70 le a vaang pe 30 a kaumi a si i, biakinn an sak dihnak kum 3 lawng a si rih.

 

SAC Ralhrang nih “Pu Biak Ngei Sang” a Hngawng an Aah i an Thah.November 16 zinglei ah SAC ralhrang nih Pu Biak Ngei Sang (kum 48) cu Kalay peng lo in a tlunnak lampi ah an thah, tiah CNO/CNDF nih thawngpang an chuah.Pu Biak Ngei Sang hi fa 4 a ngeimi a si i, Wa-uh lo a tuahmi a si. Thah a ton lio November 16 ah hin Kalay peng ah CNDF le Kalay-PDF i bawm in kahdohnak chunnitlak dengmang a chuak.”Kahdohnak ah ralhrang lei in a thimi an tam caah ralhrang pawl an kalnak lamthluan thluang ah meithal an puah i Wa-uh lo a tuahmi fa 4 ngei kum 48 pa zong meithal in a lu an kah hnu ah a hngawng zong naam in an aah,” tiah CNO/CNDF nih an langhter.

Author: admin

Leave a Reply

Your email address will not be published. Required fields are marked *